IMAMAT 10:12 - Alkitab Singog In Mongondow Masa In Tanaa

¹² Ki Musa noguman kon i Harun bo kon i adínea mita inta ki Eleazer bo ki Itamar, “Pogamádon kon gandum inta ki agat in kaanon inta pinosumba kon i Tuhan. Nongkon topong tatua pogaidaidon kon roti inta diá ragian, bo kaandon intua kon sí in mezbah, sin kuruban tatua totok in motusi.

IMAMAT 10:12 Referans Kwoze

IMAMAT 21:22

Táe sia in motaaubí mokaan kon kaanon inta pinosumba, pinomayá kuruban kaanon inta motusi ande kuruban kaanon inta totok in motusi.

YEHEZKIEL 44:29

Mosia in mustibí mobiag nongkon sosumba gandum, kuruban potobut kon dosa, bo kuruban toḻiu in karugian; bo bayongan in yagi-yagi inta ain sinantú ogoi kon i-Nakó, in mustibí ogoi kon i monia.

IMAMAT 7:9

Pomuḷoi in kuruban oḷudon inta sinubá kon bonu in tampat pototubáan ande dinungú kon bonu in rumping ande inta inangag, tua in nobaḻí silai i imang inta noposumba.

IḶUAIAN 29:2

Pomiadon nongkon topong torigu inta totok in mopia, roti moḻimbung inta diá iragian. Tosilai in musti aidan roti baukan in ḷana zaitun, tosilai doman in diá baukan in ḷana, bo ki agatnea in pomiaan kukis inta ḻepoan in ḷana.

IḶUAIAN 6:23

Ki Korah kogadí kon adí ḷoḷaki toḷu: ki Asir, ki Elkana bo ki Abiasap. Mosia tua in mogoguyang nai Korah.

IMAMAT 10:13

Roti tatua musti kaanon kon tampat inta motusi, sin nongkon kaanon inta pinosumba kon i Tuhan, roti tatua in nobaḻí silaimu bo i adímu mita inta ḷoḷaki. Tua in parenta i Tuhan kon inakó.

PINOGIAPAN 3:2

Ki adí i Harun opat, naa in tangoi monia: Ki Nadab in guya-guyang, induduinea in ki Abihu, ki Eleazar bo ki Itamar.

IḶUAIAN 29:33

Mosia in musti mokaan kon kaanon inta pinokuruban kon upacara pongampungan kon dosa kon tungkuḷ in pinoduían kon imang. Tongábí imang in motaau mokaan kon kaanon inta sinantú kon i-Nakó tua.

IMAMAT 24:9

Roti tatua in silai i Harun bo buínea. Bo tua in mustibí kaanon monia kon tampat inta motusi, sin roti tatua in motusibí doman totok nongkon kuruban kaanon inta pinosumba kon i Tuhan inta nobaḻí silai in imang mita.

TAWARIKH 2 31:14

Ki Kore ki adí i Yimna, intau in Lewi tobatú inta nobaḻí itoi in moḷoḷukad kon Bonawang Pomukaan kon Baḷoi Tuhan, inogoian in oaidan motarima kon oogoi mita inta pinosumba kon i Tuhan, bodongka mosilai.

EZRA 7:5

Ki Abisua Ki Pinehas Ki Eleazar Ki Imang Moḷoben ki Harun