IḶUAIAN 9:9 - Alkitab Singog In Mongondow Masa In Tanaa

⁹ Dá ḷobud tatua noitabudon kon bayongan butá in Mesir. Bo ḷobud tatua mopomuká in bituḷ mita inta mobotow bo mobaḻí paḻí inta monombobog kon intau bo kon bobiagon.”

IḶUAIAN 9:9 Referans Kwoze

WAHYU 16:2

Malaekat inta muna in minayá bo nopobutak bonu in palonea tatua kon tudu in butá. Dá nomukádon in bituḷ mita inta mokoondok bo mokobahaya kon intau mita inta oyúon in tanda in mahaḷuk mita tatua bo kon intau mita inta nosumba kon patongnea.

ULANGAN 28:27

Ki Tuhan in mohukumbí kon i monimu takin mopouma in bituḷ mita ná inta pinopouma-Nea kon intau mita in Mesir. Awakmu in mopuḻingdon in kekeb bo momuka inta mokokatoḷ, táe diábí in undamnea.

AYUB 2:7

Dá Ibilis in minayádon nongkon tayowon i Tuhan, bo nopomuká in bituḷ mita kon bayongan in awak i Ayub pinangkoi kon paḷad in sioḷ noidapot kon tudu in uḷu.

ULANGAN 28:35

Ki Tuhan in mopomukádon in kekeb mita inta monakit bo inta diádon mopia; nongkon sioḷ modapot in uḷu monimu mopuḻingdon in bituḷ mita.

IḶUAIAN 9:8

Tuhan noguman kon i Musa bo kon i Harun, “Pogamádon kon tongonumai noyoyakup in ḷobud nongkon kokuitan. Bo naonda in kon tayowon i datu, musti in ki Musa mopotabud in ḷobud tatua kon ḷangit.

IḶUAIAN 9:10

Ki Musa bo ki Harun in nogamá domandon kon ḷobud, bo minayá in tayowon i datu. Ki Musa nopotabud in ḷobud tatua kon ḷangit. Bo nomukádon in bituḷ mita inta mobotow nobaḻí paḻí inta motombobog kon intau bo kon mahaḷuk.