IḶUAIAN 8:10 - Alkitab Singog In Mongondow Masa In Tanaa

¹⁰ Tubag i datu tatua, “Sambayangaidon akuoi in ikoḷom.” Guman i Musa, “Aidankubí onu in poigumon i Tuangku. Dá kotaauandon i Tuangku kon diábí in ki Allah ibanea ná ki Tuhan, ki Allah nami.

IḶUAIAN 8:10 Referans Kwoze

YESAYA 46:9

Toropdon in inta nongobaḻí dungkuḷmai; Akudon kon Akuoi in Allah, bo diábí in ibanea mako, Akuoi in Allah, bo diábí in ná Akuoi.

MAZMUR 86:8

O Tuhan, diábí in ilah in ná Iko, diábí in nokoaid kon ná inta inaidan-Mu.

TAWARIKH 1 17:20

Tongábí Iko in Allah, diábí in notongkai-Mu. Kinotaauanbí nami intua sin pinotaaudon muna nongkon koḻipodpa.

SAMUEL 2 7:22

Iko in totu-totuubí kon mokawasa, o Tuhan Allah! Tongábí Iko in Allah, diábí in notongkai-Mu. Kinotaauanbí nami intua sin ain pinotaau nongkon tungkuḷpabí intua.

ULANGAN 33:26

“Ei Israel! Diábí in ilah ná ki Allahmu; Sia in minayá kon ḷangit diá in poḻiuan bo nongin goḷom sin motuḷung kon i monimu.

IḶUAIAN 9:14

Sin tanaa Akuoi in mopoangoidon bui in bodito inta deemandon tongá kon pogawai mita bo rayat, táe kon inimu domandon, sinbá kotaauanmu kon diábí in mokoḻiu monik kon i-Nakó in kon dunia naa.

YAKOBUS 4:14

Onu in mobaḻí kon kobiaganmu ikoḷom, diábí doman kinotaauanmu tontaní! Moiko nion in tongábí naonda bo poyok inta koontongan motoyong, onda intua diádon.

YESAYA 40:25

Ki ine in inanggapmu notombatangan i Allah Inta Totok in mokudus? Ki ine i popotongkaianmu kon i-Nia?

AMSAL 27:1

Dika tumakabur kon singgai ikoḷom, sin diábí kinotaauanmu onu in mobaḻí.

MAZMUR 83:18

Biódon mako in mosia modapot in mononoi pokopooyáanmai bo angoian in ondok, biódon mako in mosia matoi kon bonu in empeng.

MAZMUR 9:16

Bangusa mita inta diá nonotaau kon ini-Mu notopak kon bubú inta kinaḻi monia tontaní; mosia in noibaaḷ kon pukot monia tontaní.

ULANGAN 32:31

Musung in Israel nonotaau kon pogogadopan monia diábí ná ki Allah inta mogogoḻiung in Israel.

ULANGAN 4:35

Tua komintan pinoontong i Tuhan kon inimu sin moponiata kon tongábí ki Tuhan tua in Allah, bo diábí in ibanea mako.

IḶUAIAN 15:11

Ilahbí mita kon onda in mokoḻimonik kon ini-Mu, o Tuhan Inta Momulia bo motusi? Ki Ine in mokoaid kon inta mokoherang mita bo oaidan moḷoben ná inaidan i Tuhan?

IḶUAIAN 9:29

Guman i Musa kon i datu, “Naonda in ḷuaiku kon kotá tanaa, akuoi in buidon motonggó kon ḻima sin mosambayang kon i Tuhan. Gotup in mogogaidon bo uyan eis in mooḷá domandon, sinbá kotaauandon i Tuangku kon dunia naa in ki Tuhanbí in kitogi.

IḶUAIAN 8:9

Ki Musa in notubag, “Takin sanang in gina akuoi in mosambayang sin podudui in oigum i Tuangku. Tantúdon in wakutunea, bá sambayangankudon in ki Tuang, pogawai mita moḷantud i Tuangku bo rayat. Dá tumpaḷak mita tatua in inggamáandon nongkon tayowonmu, nongkon baḷoimu, bo diádon in kiagatnea, koḻikudon inta kon Ongkag in Nil.”

ULANGAN 3:24

O Tuhan inta Totuu Moḷantud, kinotaauanku kon onu inta pinoontong-Mu kon inakó naa in tongápabí pomangkoian in bayongan oaidan-Mu mita inta moḷoben bo mokoherang. Diábí in toḻindua in Tuhan in kon ḷangit ande kon butá inta ná Iko inta mokoaid kon inta motoyang.

ULANGAN 4:39

Tuamai kosadardon in singgai naa bo dika koḻiongan: ki Tuhan in tongábí Sia tua in ki Allah kon ḷangit bo kon dunia; diábí in ibanea mako.

YESAYA 40:18

Dá ki ine in popotongkaianmu kon i Allah? Ki ine in inanggapmu notombatangan-Nea?