IḶUAIAN 7:20 - Alkitab Singog In Mongondow Masa In Tanaa

²⁰ Ki Musa bo ki Harun nogaid kon onu inta pinoki aid i Tuhan. Kon tayowon i datu bo pogawainea mita, ki Harun notonggó kon tungkudnea bodongka pinomobak kon tubig in Ongkag Nil, dá tubig in ongkag tatua nobaḷui nobaḻí dugú

IḶUAIAN 7:20 Referans Kwoze

MAZMUR 105:29

Ongkag monia binaḷuian-Nea nobaḻí dugú, dá nodait minatoi in toyá kon bonunea.

MAZMUR 78:44

Ongkag mita monia binaḻí-Nea dugú, dá diá motaau in mosia monginum kon tubignea.

WAHYU 8:8

Bo malaekat induanea in nogirup kon torompetnea, dá oyúon tobatú barang inta moḷoben naonda bo buḷud inta kodoko-dokot pinogarab kon bonu in dagat, dá sepertiga in dagat tatua nobaḷui nobaḻí dugú.

IḶUAIAN 4:9

Aka mosia diápa doman mopirisaya kon inimu umpaka ain nokoontong kon inta mokoherang induanea tanaa, bo mosia doí doman mopandungmai kon tosingogonmu mita, yo pogamádon kon tubig topiḻik nongkon Ongkag Nil bo pobutakdon kon butá. Tubig tatua in mobaḻíbí dugú.”

IḶUAIAN 7:21

Toyá mita kon bonu in tubig tatua minatoi, bo totokdon in nobongkog, nodapot in intau mita in Mesir diá motaau monginum nongkon tubig tatua. Kon butá in Mesir komintandon oyúon in dugú.

DATU MITA 2 4:29

Ki Elisa in nobobui kon i Gehazi bo noguman, “Koḻikat! Gamá in tungkudku bo ḷagidon bayá kon baḷoi i iná tanaa. Dikadon mogogai bo momahasa kon i ineka in moyodungkuḷmu kon daḷan. Aka oyúon in intau momahasa kon inimu yo dikadon mokopoonggot in motubag kon tua. Naonda in yaputmu, ukatdon in tungkudku kon awak in adí tatua.”

HABAKUK 3:8

O Tuhan, popisí degá in dagat bo sinumorú in Iko? Ongkag mita degá in nokopopisí kon ini-Mu sinumorú? Sinakoian-Mu in goḷom naonda bo kabaḷo bo kereta in parang, kon dodai in umat-Mu pinountung-Mu.

IḶUAIAN 7:6

Ki Musa bo ki Harun nogaid kon onu inta ain pinarenta i Tuhan.

IḶUAIAN 7:10

Dá minayádon in ki Musa bo ki Harun kon tayowon i datu bo nogaid kon onu inta pinoki aid i Allah. Ki Harun nopogarab in tungkudnea kon butá kon tayowonmai i datu bo pogawainea mita, bo tungkud tatua nobaḷui nobaḻí uḷag.