IḶUAIAN 6:23 - Alkitab Singog In Mongondow Masa In Tanaa

²³ Ki Korah kogadí kon adí ḷoḷaki toḷu: ki Asir, ki Elkana bo ki Abiasap. Mosia tua in mogoguyang nai Korah.

IḶUAIAN 6:23 Referans Kwoze

PINOGIAPAN 2:3

Kon dotá in pomukaan, tontara mita inta nomaké in bandera pinonobatúan i Yohuda musti mogutun kon ḷoḷaigan podudui in tontara bo itoi monia tontaní kon bonu in pipidan tanaa: Suku Itoi Kobayong intau Yohuda Ki Nahason adí i Aminadab 74.600 Isakhar Ki Netaneel adí i Zuar 54.400 Zebulon Ki Eliab adí i Helon 57.400 kobayongnea: 186.400 Pinonobatúan i Yohuda musti totok kon muna mayá.

TAWARIKH 1 6:3

Ki Amram in kogadí kon adí ḷoḷaki doyowa, inta ki Harun bo ki Musa, bo adí bobay tobatú inta ki Miryam. Ki Harun in kogadí kon ḷoḷaki opat: ki Nadab, ki Abihu, ki Eleazar bo ki Itamar.

TAWARIKH 1 2:10

Tangoi mita in pinomuían nongkon i Ram noidapot kon i Isai in noiduduimai tanaa: Ram Aminadab Nahason (intau inta doduduianmai kon suku in Yohuda)

PINOGIAPAN 20:25

Diadon in ki Harun bo ki Eleazar, adínea, motakod kon Buḷud in Hor.

IḶUAIAN 24:9

Onda intua ki Musa, ki Harun, ki Nadab, ki Abihu bo itoi pitu nopuḷú tatua notakod kon buḷud,

IḶUAIAN 24:1

Noiduduimai kon tua ki Tuhan noguman kon i Musa, “Potakodon sin mamangoi tumayow kon i-Nakó, poyotakin iko i Harun, i Nadab bo i Abihu, bo pitu nopuḷú itoi in bangusa, bo dokó posumba kon i-Nakó nongkon moyayú.

LUKAS 1:5

Wakutu in ki Herodes nobaḻí datu kon butá in Yudea, oyúon inang, tangoinea ki Zakharia. Ki Zakharia naa in inang nongkon kolompó inta sinangoian “kolompó Abia” (imang mita buí i Eleazer). Ki buḷoinea buí doman in inang, tangoinea in ki Elisabet.

IMAMAT 10:12

Ki Musa noguman kon i Harun bo kon i adínea mita inta ki Eleazer bo ki Itamar, “Pogamádon kon gandum inta ki agat in kaanon inta pinosumba kon i Tuhan. Nongkon topong tatua pogaidaidon kon roti inta diá ragian, bo kaandon intua kon sí in mezbah, sin kuruban tatua totok in motusi.

IḶUAIAN 28:1

“Oinídon in ki Harun ki guya-guyangmu takin ki adí mita ki Nadab, ki Abihu, ki Eleazer bo ki Itamar, potondídon in mosia sinbá motaau mobantung kon i-Nakó mobaḻí imang.

IMAMAT 10:6

Bo ki Musa in noguman kon i Harun bo kon i adínea mita ibanea, inta ki Eleazer bo ki Itamar, “Dika mokuyang in gina monimu popisí in kinopatoian tatua. Aka moiko momia kon natua, yo matoi doman, bo bayongan umat Israel torúan i Tuhan. Táe bayongan intau Israel ibanea in motaaubí in mogi morondí sin kinopatoian intau doyowa tatua inta popisí in tuḷú nongkon i Tuhan.

PINOGIAPAN 20:28

Bo iḷongkutdon i Musa in pakeang i Harun bo pinoḷutudnea kon i Eleazar. Kon tudu in buḷud tatua ki Harun minatoi, onda intua ki Musa bo ki Eleazar nosiḻigdon bui.

YOSUA 24:33

Onda intua ki Eleazar adí i Harun minatoi domandon, bo iḷobong kon Gibea, kotá inta noiukat kon buḷud i Epraim. Kotá tatua ain inogoi kon i Pinehas, adí i Eleazar.