IḶUAIAN 5:22 - Alkitab Singog In Mongondow Masa In Tanaa

²² Bo ki Musa minayá kon tayowon i Tuhan bui bo noguman, “Tuhan, nongonu sin bangusa Israel pomiaan-Mubí námai tua in kororaatnea? Nongonu sin pinotabá-Mubí mangoi kon naa in akuoi?

IḶUAIAN 5:22 Referans Kwoze

YEREMIA 20:7

Tuhan, Iko in nodondouḷug kon inakó bo akuoi in kinodondouḷugandon. Iko in moropo-ropot in akuoi bo nopokuyungdon kon inakó. Akuoi in irupa-rupamai in bayongan intau, siningkuḻe nongkon doḷo-doḷom dapot in ḷoḷabungnea.

HABAKUK 2:3

Paisdon intua, sin deemanpabí orasnea in naa. Táe oras tatua in ḷagi bidon moiangoi, bo onu inta poponiata-Ku kon inimu in notantú bidon kon mobaḻíbí. Umpaka koontongan in ná moonggotpa, táe oḷatdon mako! Oras tatua in notantúbí kon moiangoibí bo diá bidon pampingon.

MAZMUR 73:25

Ki inebí in kapunyaanku kon soroga koḻikudbí in Iko? Tongábí Iko diábí in ibanea mako in koibogku in kon butá.

DATU MITA IMITÁNEA 19:10

Ki Elia notubag, “O Tuhan, Allah Inta Totok in mokawasa, akuoi in umuran mogaid tongábí kon ini-Mu. Táe umat in Israel in iḻimimpat kon dodandian monia takin-Mu. Mosia in nongokai kon mezbah-Mu mita bo noḻimod kon nabi-Mu mita. Dongkadon akuoi in naa, bo tanaa in tayakondon monia ḻimodon in akuoi!”

DATU MITA IMITÁNEA 19:4

bo minaya-mayá in sioḷ ná padang gurun tosinggai in koonggotnea bo nogogai kon siungon in kayu inta mobambar. Kon tua iḻimitú in sia bo ibogonnea in bá matoidon. “Diádon in akuoi monahang, o Tuhan,” gumannea kon i Tuhan. “Gamádon in nyawaku. Akuoi in diábí mopia-pia nongkon mogoguyangku!”

SAMUEL 1 30:6

Noajar totok in gina in intau mita i Daud sin mosia in kinobuḻiandon in adí bo buḷoi monia. Tuamai in mosia moibogdon mogandur in batu kon i Daud. Dá noyogintayowdon in roriga moḷoben in ki Daud, táe ginanea in inirigonan bui i Tuhan Allahnea.

PINOGIAPAN 11:11

Dá ki Musa noguman kon i Tuhan, “Nongonu sin pororiga-Mubí nanaa in akuoi? Degá kinodoí-Mudon in akuoi? Nongonu sin pinoki kadai-Mubí kon inakó in bayongan intau tatua?

IḶUAIAN 17:4

Dá nokuanidon ki Musa kon i Tuhan, kainia, “Onu degá in aidanku kon intau mita tanaa? Indoiaika, mosia monintangoidon mogarab in batu kon inakó.”

YEREMIA 12:1

“Aka diaanku in pelekaraku kon tayowon-Mu, o Tuhan, yo notantú bidon kon moniatabí kon Ikobí in noitutui. Táe moibogbí doman in akuoi in moḻibó kon inta moadil kon ini-Mu: Nongonu sin intau moraat in mobiagbí mooyúon? Nongonu sin intaubí inta diá motuḻid in mokodapot kon inta koibog monia?

YEREMIA 4:10

Bo akuoi in noguman, “Tuhan Inta Totok in moḷantud, Iko in nonguboḷdon kon intau in Yohuda bo intau in Yerusalem! Iko in noguman kon moiangoi in dodamean, bokaka tanaa in kobiagan nami in inindoyódon in pitow.”

YOSUA 7:7

Ki Yosua noguman kon i Tuhan, “O Allah Tuhanku! Onu in mangaḻe in pinodiaan-Mu kon inami nodapot kon ḷoḷan in Yordan? Yo degá tongábí mobogoi kon inami kon intau mita in Amori? Sinbá matoi in kami? Mopia-piabí kon nogutun kon ḷoḷan in Yordan in kami!