IḶUAIAN 4:8 - Alkitab Singog In Mongondow Masa In Tanaa

⁸ Guman i Tuhan, “Aka mosia doí mopirisaya kon inimu, ande diá moyakin naonda in mokoontong kon inta mokoherang muna tatua, dá inta mokoherang tanaa in mokopobaḻíbí kon i monia mopirisaya.

IḶUAIAN 4:8 Referans Kwoze

YESAYA 28:10

Umpaka yo sia in motundúbí kon i naton kon bayongan in hurup, tosingogon mita bo onu mita in singogon.”

ULANGAN 32:39

Indoiaika, tongábí Akuoi in ki Allah, diábí in Allah ibanea koḻikudbí in Akuoi. Akuoi in moḻimod bo momiag, monompaḻí bo mongundam. Aka Akuoi in mogaid, diábí tobatúmai in intau in mokoḷawang.

AYUB 5:18

Sin ki Allah in mopouma in takit, yo Siabí doman in mongundam. Bo ḻima-Nea inta nosambok, in inta bui momidai.

DATU MITA 2 5:7

Naonda in binaca i datu in Israel in surat tatua, nomera-merak in sia kon ḷambungnea sin nohawatir, poḷat noguman, “Mobodito, nongonubí degá sin ki datu in Siria tatua in nopoigumbí sinbá undamanku in intau tanaa? Deemanbí in akuoi ki Allah inta oyúon in kawasa momiag andeka momatoi kon intau! Notantú bidon kon ki datu in Siria tua in tongábí motayak kon soaḷ kon inakó!”

YOHANES 12:37

Umpaka nobayongdon in soaḷ mita inta mokoherang in pinomia i Yesus kon tayowon monia tua, táe mosia in diábí mopirisaya kon i-Nia.

IḶUAIAN 4:7

Bo ki Tuhan noguman, “Buika pobonu in ḻimamu kon ḷambungmu.” Dá dinuduian doman i Musa in guman tatua, bo naonda in pinoḷuaineadon bui, nopiadon bui in ḻimanea tatua.

IḶUAIAN 4:9

Aka mosia diápa doman mopirisaya kon inimu umpaka ain nokoontong kon inta mokoherang induanea tanaa, bo mosia doí doman mopandungmai kon tosingogonmu mita, yo pogamádon kon tubig topiḻik nongkon Ongkag Nil bo pobutakdon kon butá. Tubig tatua in mobaḻíbí dugú.”

IḶUAIAN 4:28

Ki Musa in nongonguman kon i Harun kon bayongan inta pinoguman i Tuhan kon inia tungkuḷ in sia pinotabá mobui kon Mesir, pinotaaunea doman in bayongan inta mokoherang inta musti aidannea.

HAKIM MITA 6:17

Tubag i Gideon, “Aka akuoi totu-totuu kinoibog i Tuhan, yo tungkuḷaika ogoiai in tobatú tomponuot kon totuubí kon ki Tuhandon tontaní in nobogoi in parenta tatua kon inakó.