IḶUAIAN 4:22 - Alkitab Singog In Mongondow Masa In Tanaa

²² Bo pogumandon kon i datu tatua kon Akuoi, ki Tuhan, nongoyow nanaa: ‘Israel in ki adí-Ku inta guya-guyang,

IḶUAIAN 4:22 Referans Kwoze

HOSEA 11:1

Ki Tuhan in noguman, “Akuoi in notabi kon Israel pinangkoi kon sia in nointokpa, Inoiní-Ku in ki adí-Ku tatua iḻumuai nongkon Mesir.

SURAT I PAULUS KON JAMAAT RUM 9:4

Mosia tua in intau inta piniḻí bo binaḻí-Neadon ki adí-Nea mita tontaní. Sia in noponiatadon in kawasa-Nea kon i monia. Sia in nomia kon dodandian takin i monia bo nobogoi in hukum in agama. Pinoguman domandon i Allah kon i monia in soaḷ pooibada bo mosia in notarima domandon kon dandi mita i Allah.

IBRANI 12:23

Moiko in sinumakin kon tobatú pinoyodungkuḷan inta morame totok – pinoyodungkuḷan in adí mita guya-guyang i Allah, inta pinaisdon in tangoi monia kon bonu in soroga. Moiko in namangoi sinumayow kon i Allah hakim in bayongan intau naa. Moiko in sinumayow kon roho mita intau mopia inta ain sinompurna.

YEREMIA 31:9

Mosia in mayá takin moḷabú in ḷuá, Ḻipoion-Ku bo kapiton-Ku in mosia. Diaan-Ku in mosia mongin tampat mita inta mobayong in tubig, mongin daḷan motondodai inta diá in kopintudan. Kon i Israel, Akuoi in naonda bo ki amá; Epraim in ki adí-Ku ḷoḷaki guya-guyang.”

YESAYA 64:8

Táe Iko, o Tuhan, in ki Amá nami, kami in butá ḷamentong, bo Iko in nomia kon inami; kami komintan in aidbí in ḻima-Mu.

YESAYA 63:16

Iko nion in ki Amá nami? Ki Abraham bo ki Yakub in diábí nonotaau kon inami. Táe Iko o Tuhan, in ki Amábí nami, Mopoposaḷamat nami nongkon dungkuḷpabímai.

ULANGAN 14:1

“Moiko nion in umat i Tuhan Allahmu. Dá aka oyúon in kinopatoian, dikabí in moiko monompaḻí kon awak ande mokibangkuḷug in buok kon dotá in pogotmu ná oaid in bangusa mita ibanea.

YAKOBUS 1:18

Ibog-Neabí tontaní in nopobaḻí kon i naton ki adí-Nea mita pinongin Pirman-Nea inta nobanar. Tua komintan in pinomia-Nea sinbá kita in mokouḻí kon tampat inta moponting kon sigad in bayongan mahaḷuk inta pinomia-Nea.

KORINTUS 2 6:18

Akuoi in mobaḻíbí ki Amá monimu, bo moiko in mobaḻíbí ki adí-Ku mita, natua in singog i Tuhan Inta totok in Mokawasa.”

MATIUS 2:15

Bo nogutun kon tua, nodapot in ki Herodes minatoi. Tua komintan nobaḻí sinbá motompodon onu in pinoguman i Tuhan kon nabi-Nea, nanaa: “Nongkon Mesir inoiní-Ku in ki Adí-Ku.”

IḶUAIAN 6:11

Táe ki Musa in notubag, “Intau Israel tontaní doí mokidongog kon inakó. Yo umpaka dá ki datu in Mesir moibog mokidongog kon intau inta diá motoḻindat ná akuoi naa?”

IḶUAIAN 7:16

Pogumandon kon i datu tatua: Ki Tuhan, ki Allah intau Ibrani, nopotabá kon inakó sin mopotaau kon i Tuangku sinbá ogoimudon umat-Nea mayá mosumba kon i-Nia kon padang gurun. Táe umaain tanaa ki Tuangku doí mokidongog.

MAZMUR 89:27

Sia in mogumanbí kon i-Nakó, ‘Ikobí in ki Amáku, ki Allahku, mogogoḻingoiku bo mopoposaḷamatku.’

ULANGAN 32:6

Natua degá in pototuḻí monimu kon kopopia i Tuhan, ei intau mita dondunguḷ bo diá koraian? Diá kinotaauanmu kon Sia in ki Amámu, inta nomaḻí kon inimu inta nomia kon i monimu bangusa tobatú?

YEREMIA 2:14

“Israel in deemanbí ata, deemanbí doman buí in ata. Táe nongonu sin sia in nobaḻí bidon kokaanon in musungnea?

MALEAKHI 1:6

Ki Tuhan Inta Totok in mokawasa in noguman kon imang mita, “Adí tobatú in mohoromatbí kon i amánea, bo mobobantung tobatú in mohoromatbí kon i tuangnea. Akuoi i naa in ki Amámu; nongonu sin moiko in diábí mohoromat kon i-Nakó? Akuoi naa in ki tuangmu; yo nongonu sin moiko in diábí moondok kon i-Nakó? Moiko in mopoompámai kon i-Nakó, táe moiko in noḻibó, ‘Naonda in pinononingkuḻe nami kon ini-Mu?’