IḶUAIAN 39:32 - Alkitab Singog In Mongondow Masa In Tanaa

³² Kinotontumiannea noḷapatdon in bayongan oaidan momia kon Ḷoḷaigan i Tuhan. Intau Israel ain nogaid kon bayongan yagi-yagi ná inta pinarenta i Tuhan kon i Musa.

IḶUAIAN 39:32 Referans Kwoze

IḶUAIAN 25:40

Ḷukadai sinbá sioḷ in totuduan togá tatua pomiaan podudui kon onu inta ain pinoontong kon inimu kon tudu in buḷud tanaa.”

IBRANI 8:5

Oaidan inta inaidan monia tua saḷaku imang sabanarnea in tongábí gambaran bo oḻinow in onu inta kon soroga. Tua ain bidon pinotaau i Allah kon i Musa koḻipod, kon wakutu in sia noposindog in Ḷoḷaigan i Tuhan. Nanaa in guman i Allah kon i Musa, “Pokotorop! Tua komintan in mustibí pomiaanmu podudui in gambar inta pinoontong-Ku kon inimu kon tudu in buḷud.”

IBRANI 3:2

Sia in mosatia kon i Allah inta nomiḻí kon i-Nia sin mogaid kon oaidan tatua, ná ki Musa tungkuḷ intua nosatia doman in nogaid kon oaidannea kon Baḷoi Tuhan.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

TAWARIKH 1 28:19

Bo ki Datu Daud in noguman, “Bayongan intua in kon bonu bidon in tomayá inta ain pinais podudui in topotundú inta inogoi i Tuhan tontaní sin aidan.”

SAMUEL 1 15:22

Táe ki Samuel in noguman, “Onda degá in koibog i Tuhan, kotoindudui andeka kuruban sosumba? Kotoinduduibí kon i Tuhan in mopia-pia nongkon moposumba in kuruban. Dumuduibí kon parenta-Nea in mopia-pia nongkon ḷongó in domba.

ULANGAN 12:32

Aidaidon in bayongan inta pinoki aidku kon inimu; dika dugangan ande gaatan.

PINOGIAPAN 3:31

Mosia pinoki ḷukadan in Poti Dodandian, meja, sioḷ in totuduan in togá, mezbah mita, pakakat mita inta pakéon in imang kon Yuang Motusi, bo toḷipoi inta nopotondí in Yuang Motusi. Mosiadon tua in kitogi totaau kon bayongan oaidan inta noyotogot in pakakat mita tatua.

IḶUAIAN 40:32

pomuḷoi in mosia tumuot kon bonu in Ḷoḷaigan i Tuhan ande dimiug kon mezbah.

IḶUAIAN 39:33

Dinia monia in Ḷoḷaigan tatua takin touḷutnea kon i Musa, kokaudnea mita, kayu mita bilabagnea, oigi mita bo aipnea,

IḶUAIAN 39:31

Ḷambá tatua pinokompit kon suruban inta kon dotá in munanea, pinodudui kon parenta i Tuhan kon i Musa.

IḶUAIAN 12:28

Dá mosia in minayádon bo nogaid kon onu inta pinarenta i Tuhan kon i Musa bo kon i Harun.

IḶUAIAN 31:7

Ḷoḷaigan-Ku, Poti Dodandian bo taḷobnea, komintan pakakat in Ḷoḷaigan,

IḶUAIAN 40:1

Ki Tuhan noguman kon i Musa,

IḶUAIAN 40:3

Diadon potuot in Poti Dodandian inta pinobonuan kon Parenta Mopuḷú bo popokoḷobdon in kaeng koḷobnea kon munanea.

DATU MITA IMITÁNEA 6:38

Bo kon buḷan Bul, inta buḷan noginwaḷu, kon bonu in taong impuḷú bomitá kon pinomarentaannea, noḷapatdon in Baḷoi Tuhan tatua pinosindog i Salomo, noitombutung ná inta ain sinomayá. Pinomiaan kon baḷoi tatua pitu notaong in koonggotnea.

DATU MITA IMITÁNEA 7:40

Ki Huram in nomia doman kon rumping mita, sikop mita bo palo mita. Onda intua noḷapatdon in bayongan oaidannea kon i Datu Salomo sin kopontingan in Baḷoi Tuhan. Naa in pakakat mita inta ain pinomianea: Oigi moḷoben doyowa Tongguḷu in oigi doyowa inta ná batangan in palo inta inukat kon ḻimonik in oigi doyowa tatua Rante sinuḷapid inta kon batúan in tongguḷu in oigi Opat nogatut in delima bitú inta pinipid doyowa nopipid kon ḻibu in tuḷapidan in rante kon batúan in oigi totokanea Kereta mopuḷú Ḷodokan moḷoben mopuḷú Bejana bitú Sapi bitú mopuḷú bodoyowá inta noguntu kon bejana tatua Rumping mita, sikop mita bo palo mita. Bayongan touḷut in Baḷoi Tuhan tatua, inta pinomia i Huram kon i Datu Salomo, pinomia nongkon bitú, bo iradat nodapot in mopouḻi-uḻinag.