IḶUAIAN 35:21 - Alkitab Singog In Mongondow Masa In Tanaa

²¹ bo ki inekabí inta noḻiai in ginanea, nodia kon sosumba kon i Tuhan sin ponompia kon Ḷoḷaigan i Tuhan. Mosia in nodia doman kon bayongan inta motaau pakéon kon ibada bo touḷut inta pakéon kon pakeang in imang.

IḶUAIAN 35:21 Referans Kwoze

IḶUAIAN 25:2

“Potabádon intau Israel modia kon sosumba kon i-Nakó. Ki ine in mokotorop, musti in sia modia kon sosumba

TAWARIKH 1 29:14

Akuoi bo rayatku tanaa in diábí mokopobogoi kon onu bo onu kon ini-Mu, sin bayongan in yagi-yagi tua Ikobí in nobogoi bo onu inta inogoi nami naa in Ikobí doman in kitogi.

IḶUAIAN 35:29

Bayongan in intau Israel takin ibog monia tontaní nodia kon sosumba monia kon i Tuhan sin pakéon pogaid kon oaidan tatua inta pinotaau i Tuhan kon i Musa.

IḶUAIAN 35:26

Mosia in nogaboḷ domandon kon siningkoi inta pinomia nongkon bubuḷ in bembé.

IḶUAIAN 35:5

Diadon in sosumba kon i Tuhan. Ki ine in moḻiai in ginanea, musti moposumba in buḷawan, saḷaka bo porunggu;

IḶUAIAN 36:2

Ki Musa nogoiní kon i Bezaleel, kon i Aholiab bo bayongan intau inta nokouḻí kon koahlian nongkon i Tuhan bo takin pia in gina mobantung, bo pinoki pomangkoiandon nogaid.

IḶUAIAN 35:22

Ki inekabí in moibog, pinomayá ḷoḷaki ande bobay, mamangoi modia kon tomot ḷambá, nganti-nganting, sising, boboḷ bo bayongan yagi-yagi ḷambá buḷawan sin makusud poposumba kon i Tuhan.

KORINTUS 2 9:7

Táe poigumonku mako moiko mobogoibí takin pia in gina, diá tongá pakisa, sin intaubí inta mobogoi takin pia in gina in kotabi i Allah.

KORINTUS 2 8:12

Aka gina monimu bo motuḻidbí in mobogoi, dá tarimaanbí i Allah onu inta inogoi monimu tua, asaḷ bo onu inta inogoi monimu tua, pinodoyon kon onu inta oyúon kon i monimu, deemanbí pinodoyon kon onu inta diá in kon i monimu.

MATIUS 12:34

Ei moiko buí inta moromú, naondabí in moiko motaau mosingog kon soaḷ mita inta mopia aka moiko tontaní in mogaid doman kon inta diá mopia? Sin onu siningog in bibig tuabí doman inta iḷumuai nongkon bonu in gina!

YEREMIA 30:21

Datu inta nomarenta kon i monimu in nongkon bangusamu takin diá in ḷamboinea dimiug in sia kon i-Nakó aka oiníon-Ku in sia mamangoi in tayowon-Ku. Sin ki ine in mokobaḻí tumayow kon i-Nakó podudui in ibognea tontaní? Moiko in mobaḻíbí umat-Ku bo Akuoi in mobaḻí Allahmu. Akuoi, Tuhan inta noguman kon tua.”

AMSAL 4:23

Ḷukadai in ginamu kopira, sin ginamu in monantúbí kon daḷan in kobiaganmu.

MAZMUR 110:3

Kon singgai iko mamangoi takin kawasa, kon buḷud inta motusi, rayatmu in mayá takin ibog tontaní. Naonda bo oḷú doḷo-doḷom, tayowmobiag mita mamangoi kon inimu.

EZRA 7:27

Bo ki Ezra in noguman, “Dayowdon in ki Tuhan, Allah inta sinumba in mogoguyang naton! Sia in nopogonúdon kon gina i datu dá ki datu in noibogdon noindoi totok kon Baḷoi Tuhan kon Yerusalem.

TAWARIKH 1 29:9

Rayat in nobogoibí takin pia in gina kon i Tuhan bo noḷunganga in gina sin nobayongdon in pinosumba monia. Nosanang domandon totok in gina i Datu Daud.

TAWARIKH 1 29:3

Bo popisí in tabiku kon Baḷoi Allahku tatua dá nobogoi domandon in akuoi kon saḷaka bo buḷawan nongkon kapunyaanku tontaní:

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

TAWARIKH 1 28:2

Ki Daud in sinimindog kon tayowon monia bo noguman, “Utatku mita inta tongobangusaku, indongogaipa! Noonggotdon in niatku moposindog in baḷoi tobatú sin potagúan kon Poti Dodandian, pomomuntukan i Tuhan Allah naton. Akuoi in nosadiadon kon moposindog in baḷoi tobatú tampat pososumbaan kon i-Nia.

SAMUEL 2 7:27

Tuhan Inta Totok in Mokawasa! Nokopobaranidon in akuoi in nopoyaput in sambayangku tanaa kon ini-Mu, sin Ikodon tontaní in nopotaau kon inakó kon adí bo ompuku bo namonag in baḻíon-Mu datu kon bangusa tanaa.

HAKIM MITA 5:12

Sindogdon Debora, bo podondongdon. Pobuatdon Barak, diádon in intau mita inta sinokodomok!

HAKIM MITA 5:9

Kon panglima mita in Israel inta namangoi takin ibog tontaní, poyaputku in tosingogon ponghargaan moḷoben kon i monia. Dinayo-dayowdon in ki Tuhan!

HAKIM MITA 5:3

Indongogaidon ei datu mita bo pangeran, akuoi modondong kon i Allah in Israel, tuata in ki Tuhan.

IḶUAIAN 35:20

Bo bayongan in intau Israel inta nosipun kon tua minayádon,

TAWARIKH 1 29:8

Intau mita inta kobatu mita permata in nobogoidon kon i Yehiel sin pobonu kon kas in Baḷoi Tuhan. (Ki Yehiel in intau in Lewi tobatú nongkon inanakan i Gersom.)

EZRA 2:68

Kon tungkuḷ in intau mita inta iḷumbú tatua nodapot in Baḷoi Tuhan kon Yerusalem, tongonumai in itoi in inanakan nobogoi in sosumba ibog monia tontaní sin poposindogan bui in Baḷoi Tuhan.