IḶUAIAN 35:2 - Alkitab Singog In Mongondow Masa In Tanaa

² Onom nosinggai in pakéon mogaid, táe kon singgai noginpitu in nobaḻíbí singgai pogogaian, singgai moḷoben inta tondíon kon i Tuhan. Ki ine in mogaid kon singgai in Sabat musti hukumon matoi.

IḶUAIAN 35:2 Referans Kwoze

IMAMAT 23:3

Onom nosinggai in wakutu pogaidan, singgai in Sabat, in singgai pogogaian inta sinantúdon kon i Tuhan. Kon singgai tatua moiko musti momia kon poyodungkuḷan sin poibadaan bo diábí in motaau mogaid.

IḶUAIAN 34:21

Onom nosinggai in pogaidan; dika mogaid kon singgai noginpitu, umpaka sempodon in ponononggobá ande sempo pobatunan kon bungai in boyó.

IḶUAIAN 23:12

Kon todiminggu, onom nosinggai motaau pakéon monimu mogaid, táe kon singgai noginpitu musti in moiko mogogai, sinbá bobiagonmu, atamu mita bo intau mita ango-angoi inta nogaid kon i monimu mogogaipa doman.

YOHANES 5:16

Dá tuamai, mosia in mulaidon moḷongasi momogutú kon i Yesus, sin Sia monon oaidan kon singgai in Sabat.

IḶUAIAN 16:23

Guman i Musa kon i monia, “Naa in parenta i Tuhan: Ikoḷom in singgai husus pogogaian, singgai in Sabat, singgai inta posumbaan kon i Tuhan. Onu in koibog monimu angagon singgai naa, yo angagdon, bo onu inta koibog monimu tuonon, yo tuondon. Inta moiḻiu kon pakéon singgai naa, yo potontanídon bo tagúdon sin pakéon ikoḷom.”

YESAYA 58:13

Ki Tuhan in noguman, “Horomatbí in singgai in Sabat saḷaku singgai kon i Tuhan. Dika mogaid kon kopontinganmu tontaní kon singgai tatua. Ramedon in singgai tatua nobaḻí singgai mokosanang kon gina; horomatbí in singgai i Tuhan takin diá maya-mayá mako; dika doman mogaid andeka mosingog kon diá in mangaḻenea.