IḶUAIAN 33:22 - Alkitab Singog In Mongondow Masa In Tanaa

²² Kon dodai in sindar kinoangoian-Ku moitaḻib, iko pobonu-Ku kon bonu in bubú tobatú kon bonu in buḷud batu tatua bo oḻingoian-Kudon in ḻima-Ku dapot in Akuoi moitaḻibdon.

IḶUAIAN 33:22 Referans Kwoze

MAZMUR 91:1

Intau inta nokiḷukad kon i Inta Totok in Moḷantud, bo inta nogutun kon bonu in oḻiung i Inta Totok in Mokawasa,

MAZMUR 91:4

Iko in koḷoban-Neabí in koḻikip-Nea, dá moodombí in iko kon bonu in oḻiung-Nea; kososatia-Nea in naonda bo kaḻeaw inta noḷukad kon inimu.

KORINTUS 1 10:4

bo nonginum kon tubig inta ain doman sinantú kon inumon monia. Mosia komintan in nonginum kon tubig nongkon buḷud batu inta umuran kotaki-takin monia; buḷud batu tatua in ki Kristus.

YESAYA 32:2

Kon batúannea mosia in naonda bo tampat pogogadopan kon tompot bo deḷang. Mosia in naonda bo ongkag inta moiḻig kon rawang in bungaion, naonda bo batu moḷoben pononiungan kon butá inta noḷogatdon.

KORINTUS 2 5:19

Kami nopotaau kon ki Kristus in binaḻí bidon i Allah tonsigad sinbá intau in motaaudon mamangoi moyodame takin-Nea. Tua komintan inaidan i Allah sin diá bidon pinononggina-Nea mako in bayongan taḷá inta ain inaidan in intau kon i-Nia. Bo Siabí doman tua in nobogoi in oaidan kon inami mopoyaput in habar mita tatua.

MAZMUR 18:2

Akuoi in motabi kon ini-Mu, o Tuhan, Ikobí in nobaḻí ropotku.

DONDONG MOḶANTUD 2:3

Naonda bo pangkoi in apel kon yua-yuak in pangkoi in kayu kon kayuon, natuata in batoḷ in dodobku kon sigad in ḷoḷaki mita. Mopiabí in ginaku kon siungonnea, bungainea mita noromimit in nanamnea.

ULANGAN 33:12

Bo kon suku i Benyamin sia noguman: “Naadon in suku inta kinotabi i Tuhan. Sia nogoḻiung kon i monia singgai bo doḷom bo nogutun kon sigad monia.”

DATU MITA IMITÁNEA 19:9

Kon tua in ki Elia nosiug in doḷom tua kon angob. Bo ki Tuhan in noguman kon inia, “Elia, onu in aidanmu kon naa?”

YESAYA 49:2

Binaḻí-Nea in tosingogonku mita ná koḷanit in pitow, ḻima-Nea tontaní in pinoḷukad-Nea kon inakó. Binaḻí-Nea in akuoi naonda bo piot inta inatá, bo sinagúnea kon bonu in potoḷónea sinbá kosadi-sadiadon pakéon.

YESAYA 51:16

Akuoibí inta nosongká kon ḷangit bo nopoukat in dodoyonan mita in butá. Akuoi in moguman kon Sion: Ikobí nion in umat-Ku; Akuoi in mobogoi in totundú-Ku kon inimu bo mogoḻiung kon inimu pongin kawasa-Ku.”