IḶUAIAN 33:17 - Alkitab Singog In Mongondow Masa In Tanaa

¹⁷ Guman i Tuhan kon i Musa, “Onu in pinoigummu tatua duduian-Ku, sin kinotaauan-Ku in Iko bo kinoibog-Ku doman in iko.”

IḶUAIAN 33:17 Referans Kwoze

YESAYA 65:24

Kon tungkuḷ in mosia diápa mopoigum Akuoi in motubag; kon tungkuḷ in mosia diápa mopaḷut mosambayang, Akuoi in notubagdon kon sambayang monia.

IḶUAIAN 33:12

Kon singgai tobatú ki Musa noguman kon i Tuhan, “Tuhan, Iko nopotabádon kon inakó modia kon bangusa tanaa mayá in butá inta pinodandi-Mu. Táe diábí pinoguman-Mu mongo ki ine in potabá-Mu motuḷung kon inakó. Tuhan, Iko noguman kon kinotaauan-Mu bo kinoibog-Mu in akuoi.

KINOBAḺIAN 19:21

Malaekat tatua in notubag, “Duduyanku in ibogmu, kotá mointok tatua in diábí yompaton.

YAKOBUS 5:16

Tuamai moiko in musti mosi akuan kon taḷá bo mosi sambayangan, sinbá undaman in moiko. Sambayang in intau inta dinumudui kon ibog i Allah, moḷoben in kawasanea.

YOHANES 16:23

Kon singgai tatua, moiko diá bidon moḻibó kon onu bo onu kon i-Nakó. Poguman-Kudon kon i monimu: Onukabí in igumon monimu kon i Amá podoyon kon tangoi-Ku, ogoibí i Amá intua kon i monimu.

KINOBAḺIAN 6:8

Táe kobobiag i Nuh in nokosanang kon gina i Tuhan.

KINOBAḺIAN 19:19

Totuubí kon ki Tuang aindon totok notuḷung kon inakó bo noposaḷamat kon nyawaku. Táe buḷud tatua totuu moyayú; moondok in akuoi, dika-dikabo kobatukan in bodito tatua in akuoi bo matoi kon dodai in diápa moyaput in tampat tatua.

KINOBAḺIAN 18:32

Pangabisannea ki Abraham in noguman, “Donaaidon tumorú, Tuhan, dongkadon komintan akuoi in mosingog. Yo naonda aka dongkadon mopuḷú in intau?” Ki Tuhan in noguman, “Aka mopuḷúpa doman in intau diá kotaḷá, yo diábí yopúon-Ku in kotá tatua.”

YESAYA 45:3

Dá iko in ogoian-Ku kapunyaan kaoyúonan inta noibuni, sinbá kotaauanmu kon Akuoibí naa in ki Tuhan, Allah in Israel, inta ain nogoiní kon inimu podudui in tangoimu.

ULANGAN 9:19

Akuoi moondok kon torú i Tuhan inta modoko-dokot kon i monimu dá ibogon-Nea in moiko yopúondon, táe kon naa ki Tuhan buipa doman noibog nokidongog kon oigumku.