IḶUAIAN 29:36 - Alkitab Singog In Mongondow Masa In Tanaa

³⁶ Kon pomuḷoi in singgai musti moposumba in sapi koḷakian tobatú sin potobut kon dosa. Kuruban tatua in pondarit kon mezbah tatua. Bo mezbah tatua musti ipúanmu in ḷana zaitun sinbá tantúondon tongá posumbaan kon i-Nakó.

IḶUAIAN 29:36 Referans Kwoze

IBRANI 10:11

Pomuḷoi in singgai imang intau Yahudi umuran mogaid kon oaidan monia saḷaku imang bo umuran doman mopobui-buimai in moposumba in kuruban mita ná inta biasamai pinosumba monia. Táe totuubí kon kuruban mita tatua in diábí mokopopat kon dosa.

IḶUAIAN 30:26

Pakédon in sampuran mita tatua poḷana kon Ḷoḷaigan-Ku, Poti Dodandian,

YEHEZKIEL 43:27

Naonda in mopaḷut in pitu nosinggai tatua, imang mita in musti momangkoidon moposumba kon tudu in mezbah tatua in kuruban payongon bo kuruban podamean kon umat. Dá mopiadon in gina-Ku kon i monimu komintan. Akuoi, ki Tuhan Inta Totok in moḷantud ain nosingog.”

YEHEZKIEL 43:25

Pomuḷoi in singgai kon bonu in pitu nosinggai, iko in mustibí mopokuruban in bembé tobatú, sapi koḷakian batánea tobatú, bembé koḷakian baḻíon kuruban potobut kon dosa. Mahaḷuk mita tatua in diábí motaau aka oyúon in bogitnea.

PINOGIAPAN 7:1

Kon dodai in ki Musa nopaḷutdon noposindog in Ḷoḷaigan i Tuhan, Ḷoḷaigan takin bayongan in touḷutnea sinabisneadon takin nopoḻepo in ḷana upacara kon bayongan intua. Natua doman in pinomomianea kon mezbah bo bayongan in pakakatnea.

IMAMAT 16:27

Sapi koḷakian bo bembé inta pinokuruban potobut kon dosa, inta dugúnea dinia sinumuot kon bonu in Yuang Totok Motusi sin potobut kon dosa, musti diaan poḷuai kon ḷoḷaigan bo tubáan. Kuḻit, tapú bo bonu in sian mahaḷuk doyowa tatua musti tubáan kopayongon.

YEHEZKIEL 43:20

Gamádon in dugúnea topiḻik bo popoḻepo kon tungoi mita inta kon siku mita in mezbah tatua, bo kon sikunea opat inta kon dotá in bonunea takin doman sí in mezbah inta noiḻibu. Natuata in pogogaidmu mopotusi in mezbah tatua bo tondíonmudon kon i-Nakó.