IḶUAIAN 29:33 - Alkitab Singog In Mongondow Masa In Tanaa

³³ Mosia in musti mokaan kon kaanon inta pinokuruban kon upacara pongampungan kon dosa kon tungkuḷ in pinoduían kon imang. Tongábí imang in motaau mokaan kon kaanon inta sinantú kon i-Nakó tua.

IḶUAIAN 29:33 Referans Kwoze

PINOGIAPAN 18:4

Mosia musti mogaid moyotakin monimu bo momia kon oaidan inta noyotogot in bayongan oaidan kon bonu in Ḷoḷaigan-Ku, táe inta diá inogoian in hak mogaid kon oaidan tatua, tua in diábí motaau tumakin mogaid moyotakin monimu.

KORINTUS 1 11:26

Sin pomuḷoi in moiko mokaan kon roti tanaa bo monginum kon anggur tanaa, tua in mangaḻenea moiko in mopotaaudon in kinopatoian i Tuhan, modapot in mamangoi bui in Sia.

KORINTUS 1 11:24

bo naonda in sinambayangan-Nea in roti tatua poḷat binonsi-bonsig-Nea bo noguman, “Naa in awak-Ku inta posarakan kon i monimu. Aidai in naa sinbá umuran kotoropan monimu in Akuoi.”

MAZMUR 22:26

Kon yuak in poyodungkuḷan in umat akuoi in modayow kon ini-Mu, sin bayongan in inta ain inaidan-Mu. Kon tayowon in umat inta mopirisaya posumbaku in kuruban inta pinodandiku.

PINOGIAPAN 18:7

Táe tongábí iko bo adímu mita in motaau mopobayá in oaidan in imang, kon bayongan oaidan inta noyotogot in mezbah bo onu inta kon Yuang Motusi. Tuata in kon bonu in totaaumu, sin Akuoi ain nomaḻí kon inimu imang. Bayongan intau inta diá inogoian in hak tatua yo hukumon matoi aka dimiug kon barang mita inta motusi tatua.”

PINOGIAPAN 16:40

Tua in nobaḻí tompoingat kon bangusa Israel kon koḻikud in buí i Harun, diábí in tobatúmai in intau motaau mamangoi kon mezbah i Tuhan sin motubá kon dupa posumba kon i Tuhan. Intau inta ḻimimpat kon atorang tatua in yopúonbí ná ki Korah bo dumoduduinea mita. Bayongan tua inaidan pinodudui kon ná inta pinarenta i Tuhan kon i Eleazar pinongin i Musa.

PINOGIAPAN 16:5

Bo sia in noguman kon i Korah bo dumoduduinea mita, “Ikoḷom doḷo-doḷom ki Tuhan in mopoontongdon kon i naton mongo ki ine in kapunyaan-Nea, bo ki ine inta sinondí kon i-Nia. Intau inta piḻíon-Nea tua in motaau dimiug kon i-Nia.

PINOGIAPAN 3:38

Kon bonu in pinononḷoḷaigan, ki Musa bo ki Harun takin ki adínea mita musti mogamá kon tampat kon tayowon in Ḷoḷaigan i Tuhan, kon dotá in pomukaan. Mosia in kitogi totaau kon poibadaan in bangusa Israel kon Yuang Motusi. Kon ḻikud in mosia, ki ineka in monungkuḷ mogaid kon oaidan tatua musti hukumon dapot in matoi.

PINOGIAPAN 3:10

Táe ki Harun bo ki adínea mita in musti baḻíon-Ku imang sin mogaid kon oaidan-Ku, koḻikud in mosia, yo ki ineka in monungkuḷ mopobayá in oaidan tatua musti hukumon dapot in matoi.”

PINOGIAPAN 1:51

Aka moiko momamping, yo intau mita in Lewi tuata inta musti mongokai kon Ḷoḷaigan-Ku, bo bui moposindog intua kon ondaka in tampat mobagu inta kobayáan monia. Koḻikud in mosia tua, yo ki ineka in dimiug kon Ḷoḷaigan tatua mustibí hukumon matoi.

IḶUAIAN 29:32

Ponoyá tatua musti kaanon monia kon ngara in Ḷoḷaigan-Ku takin ki agat in roti inta kon bonu in kompé.

IMAMAT 1:4

Bo sia in musti mopoukat in ḻimanea kon uḷu in biag tatua, dá sosumbanea in tarimaan i Tuhan mobaḻí pongampung kon dosanea.

IMAMAT 10:12

Ki Musa noguman kon i Harun bo kon i adínea mita inta ki Eleazer bo ki Itamar, “Pogamádon kon gandum inta ki agat in kaanon inta pinosumba kon i Tuhan. Nongkon topong tatua pogaidaidon kon roti inta diá ragian, bo kaandon intua kon sí in mezbah, sin kuruban tatua totok in motusi.