IḶUAIAN 29:22 - Alkitab Singog In Mongondow Masa In Tanaa

²² Gamádon ḷongó in domba koḷakian tatua, iputnea inta oyúon in ḷongó, gaipan ḷongó nongkon bonu in siannea, onu inta totok in mopia nongkon podilatnea, kombiloinea doyowa takin ḷongónea, bo paanea koḷanan.

IḶUAIAN 29:22 Referans Kwoze

IḶUAIAN 29:13

Mopaḷut mako kon tua gamádon in bayongan ḷongónea inta noikoḷob kon bonu in siannea, bo inta totok in mopia nongkon podilat bo kombiloinea takin ḷongónea bo ukatdon intua komintan kon tudu in mezbah bo tubádon mobaḻí sosumba kon i-Nakó.

PINOGIAPAN 18:18

Tapúnea tua in kon inimu, notongkai doman ná dodob bo paa koḷanan in bobiagon inta nobaḻí sosumba inta tonoion kon i-Nakó.

IMAMAT 10:14

Táe iko bo ki adímu mita ḷoḷaki bo bobay motaaubí in mokaan kon dodob in mahaḷuk inta nongkon sosumba inta sinonoi bo páa nongkon sosumba inta pinonangoi. Tuata in silai in imang mita nongkon kuruban dodamean in bangusa Israel. Motaaubí kaanon monimu intua kon bayongan tampat inta diá monajis.

IMAMAT 9:21

Dodob bo páa koḷanan in mahaḷuk tatua pinosumbanea nobaḻí sosumba tonoion kon i Tuhan. Tua in nobaḻí silai in imang mita, ná inta ain pinoguman i Tuhan kon i Musa.

IMAMAT 9:19

Bayongan ḷongó in sapi bo bembé tatua inukat monia

IMAMAT 7:3

Ki imang in musti moposumba kon tudu in mezbah bayongan ḷongó in mahaḷuk tatua: Iputnea inta oyúon in ḷongó, ḷongó inta noikoḷob kon bonu in siannea, kombiloi takin ḷongónea, bo tonsilai inta totok in mopia nongkon poatnea.

IMAMAT 3:9

Aka pakéon kuruban dodamean kon i Tuhan, dá musti in ki imang moposumba in naa: ḷongó in domba tatua, iputnea takin ḷongónea inta pinongkó dapot in tuḷan nonoyannea, ḷongó inta noibakut kon bonu in siannea,

IḶUAIAN 29:21

Pogamá kon dugú topiḻik inta kon tudu in mezbah bo ḷana topiḻik inta pinaké kon upacara, bo pisikai in ki Harun bo ki adínea mita takin pakeang monia. Natuata in pogogaid sinbá ki Harun bo ki adínea mita takin pakeang monia tongádon pakéon mogaid kon oaidan-Ku.

IḶUAIAN 29:23

Bo nongkon karansi inta pinobonuan kon roti inta ain pinosumba kon i-Nakó, tumongobatú mako in torupa: tobatú inta pinomia binaukan in ḷana zaitun, tobatú doman inta pinomia diá binaukan in ḷana zaitun, bo tobatú in kukis.

IMAMAT 7:37

Natuata in atorang mita pogogaid kon kuruban inta tubáan, kuruban oḷudon, kuruban potobut kon dosa, kuruban toḻiu in karugian, kuruban ponabisan bo kuruban dodamean.

IMAMAT 14:12

Ki imang musti mogamá kon ki adí in domba koḷakian inta tobatú tua takin noyoḷomboi monag in liter in ḷana zaitun sin baḻíon kuruban toḻiu in karugian, posumbanea mobaḻí sosumba tonoion kon i Tuhan.

SAMUEL 1 9:24

Bo mododungú tatua nogamá kon tongosilai inta totok in mopia nongkon tapú in paa, bo inoḷudnea kon tayowon i Saul. Samuel noguman: “Naa in tonsilai inta sinondíku kon inimu sin kaanonmu tanaa mako moyotakin in intau mita inta sinoko oiní ibanea. Pongaandon uḻe.” Bo nongaandon in ki Saul. Dá kon singgai tatua ki Saul in nongaan noyotakin i Samuel.