IḶUAIAN 26:33 - Alkitab Singog In Mongondow Masa In Tanaa

³³ Bo popobambédon in kaeng tatua kon ḻimonag in pipidan kokaud kon atop in Ḷoḷaigan. Kon tumi musti popoukat in Poti Dodandian inta pinobonuan kon batu inta pinomaisan kon hukum i Tuhan. Kaeng tatua nonigad kon Yuang Motusi nongkon Yuang Totok Motusi.

IḶUAIAN 26:33 Referans Kwoze

IMAMAT 16:2

kai-Nia, “Potaaudon kon i Harun ki utatmu tua, kon tongábí kon singgai inta ain sinantú sia in motaau tumuot kon Yuang inta Totok in Motusi inta ain sinondí in toḻipoi, sin kon tuata Akuoi mokipogontong kon bonu in goḷom kon ḻimonik in taḷob in Poti Dodamean. Aka ki Harun ḻimimpat kon parenta tatua, yo matoi in sia.

IḶUAIAN 40:21

Bo Poti tatua pinotuotneadon kon bonu in Ḷoḷaigan tatua bo binambéneadon in kaeng koḷubung kon tayowonnea, ná inta pinarenta i Tuhan kon inia.

IḶUAIAN 25:16

Bo batu doyowa inta pinomaisan kon parenta mita inta bain ogoi-Ku kon inimu bonudon kon poti tatua.

DATU MITA IMITÁNEA 8:10

Kon dodai in imang mita iḻumuai nongkon Baḷoi Tuhan tatua indoianmai daḻídon in baḷoi tatua kinokoḷoban in goḷom.

DATU MITA IMITÁNEA 8:6

Nopaḷut mako kon tua imang mita nodia kon Poti Dodandian tatua pinotuot kon Baḷoi Tuhan bo inukat kon ḻimonag in patong mita in kerub kon bonu in Yuang Totok Motusi.

IḶUAIAN 36:36

Bo pinosindog doman monia in oigi opat inta pinomia nongkon kayu akasia inta inoḻitan in buḷawan takin doman kokaud buḷawan inta inuḷak kon tudu in aipnea inta saḷaka opat. Oigi tatua pinomia monia sin popobambéan in kaeng tatua.

IḶUAIAN 27:10

pinopotogot kon oigi porunggu doyowa nopuḷú, inta komintan inaipan in porunggu, bo kokaud takin toyoyaudnea nongkon saḷaka.

IḶUAIAN 26:32

Pobambé in kaeng toḻipoi in ḷoḻingkop tatua kon oigi opat inta kayu akasia inta inoḻitan in buḷawan takin kokaud buḷawan inta pinoḻitú kon ḻimonik in aip saḷaka inta opat.

IḶUAIAN 27:21

Ki Harun bo ki adínea mita musti umuran moindoi kon togá tatua nongkon ḷoḷabungnea dapot in doḷo-doḷom kon tampat inta koangoian-Ku, kon ḷuai in kaeng inta noibambé kon tayowon in Poti Dodandian. Parenta tatua in mobaḻí parenta inta mononoi kon intau in Israel bo kon bayongan in buí monia.”

IḶUAIAN 40:3

Diadon potuot in Poti Dodandian inta pinobonuan kon Parenta Mopuḷú bo popokoḷobdon in kaeng koḷobnea kon munanea.

DATU MITA IMITÁNEA 6:16

Kon bonu in baḷoi tatua, kon dotá in tumi pinomiaan kon gopot takin pinomiaan kon dinding pinonigad nongkon kayu ḷokuyú, pinangkoi kon taḷog nodapot kon ḷuntung. Gopot tatua in sinangoian Yuang Totok in Motusi; kobanatnea in siow nometer.

TAWARIKH 2 3:8

Yuang kon bonunea inta sinangoian Yuang Totok in Motusi kobanatnea in 9 nometer bo kooḷadnea in 9 doman nometer, notongkai in kooḷad in Baḷoi Tuhan tatua. Doyowa nopuḷú noton in buḷawan pinaké pinogaip kon dinding mita in Yuang Totok in Motusi tatua

YEHEZKIEL 41:4

Bo inukurnea doman in gopot tatua: inta notonggopat, kobanat bo kooḷadnea in tumopopuḷú nometer. Onda intua sia in noguman kon inakó, “Naa in Tampat Inta Totok in motusi.”