IḶUAIAN 25:29 - Alkitab Singog In Mongondow Masa In Tanaa

²⁹ Pomia kon pindan mita, galas, kendi bo palo mita sin pobonuan kon anggur inta posumba. Bayongan pakakat in meja tatua musti pomiaan komintan nongkon buḷawan taakan.

IḶUAIAN 25:29 Referans Kwoze

PINOGIAPAN 4:7

Mosia in musti mopoaip in kaeng nobidu tobatú kon meja pogogukatan kon roti inta oḷudon kon i Tuhan, bo kon tudu in meja tatua musti ukatan doman monia in pindan moḷoben, baki tampat in dupa, baki tampat in sosumba, bo kendi inta pobonuan kon tubig in anggur inta posumba. Roti oḷudon musti umuran oyúon kon meja tatua.

IḶUAIAN 37:16

Sia in nomia doman kon pindan mita, palo mita, kendi mita bo mangko mita sin pobonuan kon anggur inta poposumba. Bayongan touḷut in meja tatua pinomianea nongkon buḷawan taakan.

WAHYU 3:20

Indoiai! Akuoi in sinimindog kon tayowon in ḷoḻingkop bo nonangkokó. Aka oyúon in intau nokodongog kon singog-Ku bo momukat kon ḷoḻingkop; dá tumuot in Akuoi bo mokipodungkuḷ kon inia bo mongaan moyotakin in kaminda.

DONDONG MOḶANTUD 5:1

Akuoi in namangoi in gobáku, batoḷ in dodobku, buḷoiku, sinipunku in taḷong mobondu bo toyokayuku mita; kinaanku in ḻipú in pasukan bo bilukku, ininumku in susu bo tubig in anggurku. Pongaan bo ponginumdon yobayat mita, ponginumdon modapot in moḷoḷangu in totabian.

IḶUAIAN 25:28

Kayu pomomotaanan tatua musti pomiaan nongkon kayu akasia bo oḻitan in buḷawan.

PINOGIAPAN 7:84

Sosumba inta dinia in itoi mopuḷú bodoyowá sin pakéon kon ponabisan kon mezbah tatua, kobayongnea komintan: – mopuḷú bodoyowá in pindan saḷaka bo mopuḷú bodoyowá in baskom saḷaka inta kobogat intua komintan 27,6 nokilo – Mopuḷú bodoyowá in pindan buḷawan, kobogat intua komintan in 1,32 nokilo, binonuan in dupa kinopuḻing – sapi koḷakian mopuḷú bodoyowá, domba koḷakian mopuḷú bodoyowá, ki adí in domba inta umur totaong mopuḷú bodoyowá, pinoyotakin in kuruban oḷudon nobaḻí intompodnea sin pakéon kuruban payongon – bembé mopuḷú bodoyowá sin baḻíon kuruban potobut kon dosa – sapi koḷakian doyowa nopuḷú bo opat, domba koḷakian onom nopuḷú, bembé onom nopuḷú bo domba umur totaong onom nopuḷú pakéon kuruban pondamean.