IḶUAIAN 24:12 - Alkitab Singog In Mongondow Masa In Tanaa

¹² Noiduduimai kon tua ki Tuhan noguman kon i Musa, “Angoidon kon i-Nakó kon tudu in buḷud. Kon tua ogoi-Ku kon inimu in batu doyowa inta pinomaisan-Ku kon bayongan hukum-Ku. Bayongan hukum tatua ogoi-Ku sin baḻíon totundú kon bangusa-Ku tatua.”

IḶUAIAN 24:12 Referans Kwoze

ULANGAN 5:22

Tuata in parenta mita inta inogoi i Tuhan kon i monimu kon tungkuḷ in moiko noyosipun kon buḷud. Kon dodai in sia nosingog noropot totok nongkon tuḷú bo goḷom inta mobunod, Sia nobogoi in parenta mita tatua, bo deemanbí ibanea mako. Bo pinais-Nea kon batu tulis doyowa bo inogoi kon inakó.”

IḶUAIAN 31:18

Naonda in nopaḷut mako noyosingog i Musa kon tudu in Buḷud Sinai, ki Allah nobogoidon kon inia in batu doyowa inta pinomaisan i Allah kon parenta-Nea mita.

IBRANI 9:4

Kon bonu in yuang tatua oyúon in tobatú meja pototubáan kon sosumba, meja inta pinomia nongkon buḷawan. Oyúon doman in poti Dodandian inta komintan inoḻitan in buḷawan. Kon bonu in poti tatua oyúon in kuyon buḷawan inta binonuan in manna, tungkud i Harun inta ain nomoḻimping, bo batu doyowa inta pinomaisan kon parenta i Allah inta mopuḷú.

KORINTUS 2 3:3

Mosia tontaní in nokoontongbí kon moiko in suratbí inta ain pinais i Kristus, inta pinoki dia kon i nami. Surat tatua in deemanbí pinais in tinta, táe Rohobí i Allah inta nobiag; bo deemanbí doman pinais kon buk, táe kon bonubí in gina in intau.

YEREMIA 31:33

Naa in dodandian mobagu inta bain pomiaan-Ku takin umat in Israel: Hukum-Ku mita in tagúon-Ku kon bonu in gina monia, bo paison-Ku kon gina monia. Akuoi in mobaḻí Allah monia, bo mosia in mobaḻí umat-Ku.

KORINTUS 2 3:7

Kon wakutu in dodandian inta modia kon popatoi tua inaidan bo pinais sinompiamai kon tudu in batu pomomaisan, sindar i Allah nonimbayag totok motarang kon pogot i Musa. Sindarnea tatua in mokotuḷow totok, sahingga intau mita in Israel diádon mokosanggup moindoi kon pogot i Musa tatua, umpaka wakutu intua sindar kon pogotnea tua mulaidon mokudow. Dá aka pinogaidan kon dodandian inta mokopatoi tatua bo sinimbayagan námai tua,

ULANGAN 4:14

Ki Tuhan nopotabá kon inakó motundú kon inimu in bayongan hukum inta musti duduian kon butá inta bain tuotan bo pogutunan monimu tua.”

IḶUAIAN 24:18

Bo ki Musa notakodon nodapot in sia sinumuotdon kon bonu in goḷom tatua. Opat nopuḷú nosinggai bo opat nopuḷú nogobii ki Musa nogutun kon tua.

IḶUAIAN 24:15

Ki Musa in notakod kon Buḷud in Sinai, bo kinokoḷobandon in sia in goḷom mobunod.

IḶUAIAN 24:2

Tongábí iko tontaní in motaau mamangoi mokopodiug kon i-Nakó. Ibanea in diábí motaau mamangoi mokopodiug, dapot bo rayat diábí in motaau motakod kon buḷud tanaa.”

MATIUS 5:19

Tuamai, ki ine in monginggamá kon tobatúmai in parenta kon hukum i Musa, tongákabí topiḻik, bo motundú kon inta diá moitutui kon intau ibanea, yo sia tua in tampaton kon tampat inta moompá totok kon dodatuan i Allah. Táe, ki ine inta mogaid bo motundú kon bayongan inta parenta kon hukum i Musa, yo sia tua in mokouḻí kon tampat inta moḷantud kon dodatuan i Allah.

NEHEMIA 9:13

Nongkon ḷangit noponag in Iko kon tudu in Buḷud in Sinai, bo nongonguman in Iko takin umat-Mu tontaní. Inogoian-Mu in hukum, atorang bo parenta inta moadil, mobanar bo oyúon in mangaḻenea.

EZRA 7:10

Ki Ezra in totokdon in nonaridi kon Hukum i Tuhan, sin aidan bo motundú kon bayongan in inta sinantú bo atorangnea kon bangusa in Israel.

IḶUAIAN 34:1

Onda intua ki Tuhan noguman kon i Musa, “Pomakangdon kon batu doyowa ná inta muna. Kon batu tatua pomaisan-Ku kon tosingogon mita ná inta koḻipod pinais-Ku kon batu inta ain irumogmu tua.

ULANGAN 5:31

Táe iko, Musa, pobuidon mangoi bo pogutundon takin-Ku kon naa; iko in pobogoian-Ku kon bayongan hukum bo parenta-Ku. Tundúdon kon i monia, sinbá duduian monia intua kon butá inta ogoi-Ku kon i monia.’

DATU MITA IMITÁNEA 19:11

“Ḷuaidon kon angob tanion,” guman i Tuhan kon inia, “bo sindogdon tayow kon i-Nakó kon tudu in buḷud.” Bo ki Tuhan sinumaḻib kon tua, inunaan in tompot inta nogirup noropot totok nodapot in buḷud mita nongo botak bo buḷud mita batu in nongoḷosi. Táe ki Tuhan in diábí nokipogontong kon bonu in tompot tatua. Naonda in tompot tatua nooyong, nobaḻídon in ḻinug, táe ki Tuhan in diábí doman nokipogontong kon bonu in ḻinug tatua.

IḶUAIAN 19:3

bo ki Musa in notakod kon buḷud tatua sin moyodungkuḷ i Allah. Ki Tuhan nosingog kon i Musa nongkon buḷud tatua bo nopotabá kon inia nopotaau kon intau mita Israel, buí i Yakub,

IḶUAIAN 32:1

Kon tungkuḷ in noonggotdon in pinogoḷatan mako in bangusa Israel kon i Musa mosiḻig nongkon buḷud tatua, sin dodai intua sia umuranpabí kon tudu in buḷud tatua, dá mosia in namangoi kon i Harun bo noguman, “Diádon kinotaauan naton mongo onu in nobaḻí kon i Musa, intau inta ain nodia kon i naton iḻumuai nongkon Mesir; dá pomiaaidon in kami kon ilah inta modia kon inami.”

NEHEMIA 9:14

Singgai in Sabat inta mokudus mustibí rameon monia, bo pinongin i Musa hukum-Mu inogoi-Mu.

MAZMUR 19:12

Mogogundoi-Mu naa in bagupa inogoian in tompoingat in bayongan tatua; bungai in pinogaidan sinadia kon intau inta notoindudui kon tua.