IḶUAIAN 23:9 - Alkitab Singog In Mongondow Masa In Tanaa

⁹ Dika mopomia ibo-ibog kon intau ango-angoi; sin kinorasaandon monimu naonda in mobaḻí intau ango-angoi, sin koḻipod moiko nion intau doman ango-angoi kon butá in Mesir.”

IḶUAIAN 23:9 Referans Kwoze

ULANGAN 27:19

‘Kinutuk in intau inta mogagow kon hak in intau ango-angoi, adí uno-unon bo inta dongka boba-bobay.’ ‘Amin!’

IḶUAIAN 22:21

Donaaibí mondorot ande mopoaid in diá moadil kon intau ango-angoi; pokoingatdon kon moiko nion in koḻipod in intaubí doman tongá ango-angoi kon Mesir.

MATIUS 18:33

Manangka intua iko in mustibí doman mongampung bo motabi kon yobayatmu tatua ná Akuoi ain notabi kon inimu?’

YEHEZKIEL 22:7

Diábí tobatúmai in intau inta nogutun kon inimu in mohoromat kon guyanganea. Iko in monompobaḻik kon intau ango-angoi bo motayak kon kauntungan nongkon roriga in boba-bobay bo uno-unon.

MAZMUR 94:6

Mosia in noḻimod kon boba-bobay bo uno-unon bo intau ango-angoi inta nogutun kon butá tanaa.

ULANGAN 10:19

Dá moiko doman in mustibí moponiata in tabimu kon intau mita ango-angoi tatua, sin koḻipod in moiko in nobaḻíbí doman intau ango-angoi kon Mesir.

IḶUAIAN 21:21

Táe aka ata tatua diá minatoi kon bonu in tosinggai ande doyowa nosinggai, yo ki tuangnea tua in diábí hukumon. Karugian inta kinorasaannea popisí in kinobuḻiandon in atanea, tuata in nobaḻí hukuman kon inia.

IMAMAT 19:33

Dika mopoaid in diá mopia kon intau angoi-angoi inta nogutun kon butámu.

ULANGAN 23:7

Dikabí in moiko diá mopandungmai kon intau in Edom sin mosia tua in ki utatmubí. Dikabí doman in moiko diá mopandungmai kon intau in Mesir, sin moiko in nokoimontandon nogutun kon butá monia.

YEHEZKIEL 22:29

Intau mita nooyúon monompobaḻik bo mogagow. Pomiaan monia ibo-ibog in intau bogá bo motayak kon kauntungan kon intau ango-angoi.

IḶUAIAN 22:20

Ki ine in moposumba in kuruban kon inta ilah mita ibanea mako koḻikud in kon i-Nakó, inta Tuhan, yo musti hukumon matoi.