IḶUAIAN 23:7 - Alkitab Singog In Mongondow Masa In Tanaa

⁷ Poyayú mako in moponapud in uboḷ bo donaai mokopopisí kon intau inta diá kotaḷá hukumon matoi, sin kodoí-Kubí in intau inta momia kon moraat natua.

IḶUAIAN 23:7 Referans Kwoze

EPESUS 4:25

Manangka intua Utatku mita, dikadon moibog monguboḷ. Mokopojujurbí aka mobiag, sin kita komintan naa in tumpaḷabí anggota in awak i Kristus.

ULANGAN 27:25

‘Kinutuk in intau inta notarima kon doit pinosogó sin moḻimod kon intau inta diá kotaḷá.’ ‘Amin!’

IḶUAIAN 34:7

Umuranbí in Akuoi motabi kon ribuan buí bo mongampung kon taḷá bo dosa; táe intau inta kon dosa in diábí pomayá-Ku mako takin diá hukumon, bo hukumon-Ku doman in adí mita bain ompu modapot kon buí nogintoḷu bo noginggopat popisí in dosa in guyanga monia.”

IḶUAIAN 23:1

“Dika mopotáa-taau mako in habar diá totuu, bo dika motuḷung kon intau moraat inta nopoyaput in ouman diá totuu.

TESALONIKA 1 5:22

Bo mokopoyayú kon bayongan inta moraat.

IMAMAT 19:11

Dika monakow, monombodok ande monguboḷ.

SURAT I PAULUS KON JAMAAT RUM 1:18

Nongkon soroga ki Allah in nopoontong in torú-Nea kon bayongan dosa bo oaid inta moraat, sin aid inta moraat tua in moḷamboi kon intau monotaau kon totundú mobanar soaḷ ki Allah.

LUKAS 3:14

Oyúon doman in tontara in noḻibó, “Yo aka kami, onu in aidan nami?” Tubag i Yohanes, “Donaai mogagow bo donaai momakisa kon intau poḷat moponapud in inta diá mita totuu. Pakédon in gajimu tontaní!”

NAHUM 1:3

Totuu kon ki Tuhan, in diábí ḷagi tumorú; táe Sia in totokbí doman in mokawasa dá ki ine in mogaid kon moitaḷá diábí poḷuaton-Nea kon hukuman. Kon onda in bayáan i Tuhan, kon tua in momuká in deḷang; kon pinomuntukan in sioḷ-Nea, kon tua in ḷobud mobaḻí goḷom.

YESAYA 33:15

Moiko in mokotahangbí aka moiko in mosingog bo mogaid kon inta totuu. Dika motayak kon untung pongin momakisa mogamá kon intau bogá, bo dika motarima kon doit tondan in pelekara. Dika dumudui kon intau inta monomayá kon poḻimodan andeka aid moraat ibanea.

AMSAL 17:15

Ki Tuhan in doíbí kon intau inta mopobanar kon intau moraat, bo inta mopotaḷá kon intau inta diá kotaḷá.

AYUB 22:23

Pobuidon mangoi kon i Tuhan takin ompá in gina koraatan kon baḷoimu in gogaiaidon.

IḶUAIAN 20:13

Dika moḻimod.

KINOBAḺIAN 18:23

Ki Abraham in dinimiug kon i Tuhan bo noḻibó, “Tuhan, totuu degá kon yopúonmu in intau mita inta diá kotaḷá takin intau mita inta kotaḷá?

IḶUAIAN 20:16

Dika moponapud in uboḷ kon intau ibanea.

IMAMAT 19:16

Dika moponapud magí-mako in uboḷ kon sigad in intau mita inta tobangusamu, sinbá iko in diá mokopopisí kon kopatoian in tumpaḷa intau. Akuoi in ki Tuhan.

ULANGAN 25:1

Umpamanea intau in Israel doyowa minayá kon pongadilan sin mopongadu kon pelekara, bo inta tobatú in pinoniata kon diá kotaḷá, bo ibanea in kotaḷá.

MAZMUR 94:21

Mosia in noyopopog monayow kon intau motuḻid, bo mopoḷabú in hukuman matoi kon intau inta diá kotaḷá.

MAZMUR 119:29

Poyayúdon in akuoi nongkon daḷan inta mokopoḷaḻe, popisí in kopopia-Mu, yo tundú kon inakó in hukum-Mu.

AMSAL 11:21

Intau moraat in notantú bidon kon hukumon; intau mopia in mosaḷamatbí.

YESAYA 5:20

Moboditodon in moiko inta monuui kon inta mopia bo inta moraat, inta mosindip bo inta mobayag, inta mopait bo inta moromimit!