IḶUAIAN 23:28 - Alkitab Singog In Mongondow Masa In Tanaa

²⁸ Musungmu mita in potombaukon-Ku, bo bangusa mita in Hewi, Kanaan bo Het untunon-Ku nongkon tayowonmu sinbá moiko in motaaudon mongingguput kon bobayáan.

IḶUAIAN 23:28 Referans Kwoze

ULANGAN 7:20

Modapot in ki Tuhan Allahmu mopomukádon in inta mokodoḻiok kon sigad monia, dá intau mita inta mokoḷagui bo inta mogadop in matoibí doman.

KINOBAḺIAN 15:19

noitakin doman in butá intau in Keni, Kenas, Kadmon,

IḶUAIAN 33:2

Potabá-Kudon mangoi in malaekat tobatú sin modia kon i monimu. Untunon-Kubí in bangusa Kanaan, Amori, Het, Peris, Hewi bo Yebus.

IḶUAIAN 34:11

Duduiaidon in hukum mita inta inogoi-Ku kon inimu singgai naa. Akuoi in moguntundon kon bangusa Amori, Kanaan, Het, Peris, Hewi bo Yebus kon dodai in moiko mayá moparang.

MAZMUR 80:9

Umat-Mu in naonda bo pangkoi in anggur inta pinamping-Mu nongkon Mesir. Bangusa mita ibanea inuntun-Mu, bo pinomuḷa-Mu in pangkoi mita in kayu tatua kon butá monia.

ULANGAN 33:27

Ki Allah in umuranbí mobaḻí mototuḷungmu, kokaḷ-Nea inta mononoi in motonoi kon i monimu. Sia in noguntun kon musung nongkon tayowon monimu, bo nopotabá kon i monimu noyopú kon i monia.