IḶUAIAN 23:2 - Alkitab Singog In Mongondow Masa In Tanaa

² Dika moibog moyokapog in intau mobarong aka mosia mogaid kon moitaḷá andeka mopotabat in atorang takin mopoyaput in tosingogon inta diá totuu.

IḶUAIAN 23:2 Referans Kwoze

AMSAL 1:15

Dikabí dumudui kon intau mita natua, adíku! Pokoyayúdon kon i monia.

AYUB 31:34

Singog in intau in diábí koondokku, bo rebeg in intau, diábí pandungonku. Diábí dodai in onda in akuoi in tongá kon baḷoi andeka tongá kibio-biómai, tongá popisí in moondok in rebegon.

ULANGAN 1:17

Aka monantú yo dika mobogat kon toḷosi; musti potongkaion in monantú kon taḷá kon batúan in intau. Dika moondok kon i ineka, sin onu inta sinantú monimu tua in namangoibí nongkon i Allah. Aka pelekara tobatú bo mobogatmu totok tantúon, yo diádon mangoi kon inakó, bain akuoi in monantú kon tua.

MARKUS 15:15

Moibog in ki Pilatus moposanang gina intau moantó tatua, dá pinoḷuaineadon in ki Barabas kon i monia. Onda intua sia nopotabá in intau nosambok kon i Yesus, bodongka pinosarakan sin popopakúdon kon kayu pinoyotaḻempang.

AMSAL 4:14

Dika dumudui kon kobobiag in intau moraat, bo dika dumayan kon oaid monia.

DATU MITA IMITÁNEA 19:10

Ki Elia notubag, “O Tuhan, Allah Inta Totok in mokawasa, akuoi in umuran mogaid tongábí kon ini-Mu. Táe umat in Israel in iḻimimpat kon dodandian monia takin-Mu. Mosia in nongokai kon mezbah-Mu mita bo noḻimod kon nabi-Mu mita. Dongkadon akuoi in naa, bo tanaa in tayakondon monia ḻimodon in akuoi!”

YOSUA 24:15

Aka kuma bo moiko doí mogundoi kon i Tuhan, ponantúdon kon tosingogon in singgai naa doman ki ine in koibog monimu sumbáan: kon i ilah mita ibanea inta sinumba in mogoguyangmu kon Mesopotamia koḻipod ande kon ilah mita in intau in Amori inta butánea in pinogutunan monimu masai naa. Táe kami – akuoi bo tombonu in baḷoiku – in umuranbí mogundoi tongá kon i Tuhan.”

OUMAN IN RASUL MITA 25:9

Táe ki Pestus inta moibog sinbá kosanang in gina in intau Yahudi in noguman kon i Paulus, “Moibog degá iko mayá in Yerusalem sinbá sidangon kon tua kon tayowonku soaḷ pelekara tanaa?”

OUMAN IN RASUL MITA 24:27

Táe naonda in notompodon doyowa notaong in ki Peliks nobaḻí gubernur, binaḷuiandon in sia i Perkius Pestus. Bo popisí in modondouḷug kon intau in Yahudi dá pinomayádon mako i Peliks in ki Paulus kon bonu in ponjara.

YEREMIA 38:9

“Tuang datu Inta Momulia, aid in intau mita tatua in diábí mopia. Mosia in nopobonudon kon i Nabi Yeremia kon parigí; notantú bidon kon matoi in gogoy in sia kon tua, sin kaanon kon kotá tanaa in nodaitdon.”

YEREMIA 37:21

Dá ki Datu Zedekia in nomarenta sinbá akuoi in ponjaraandon kon palas in komaḻig. Dá akuoi in nogutun kon tua, bo pomuḷoi in singgai akuoi ogoian in roti nongkon tampat pogogaidan kon roti nodapot in tongkaaḷ in roti kon kotá tatua nodaitdon komintan.

YEREMIA 37:15

Sinumorú totok in mosia kon inakó, bo nomarenta sinbá bongkugon in akuoi bo kurungon kon baḷoi i Yonatan, momomais in negara. Baḷoi tatua in binaḻídon ponjara.

MAZMUR 72:2

Igumon mako sia in mohakim kon umat-Mu podudui in hukum, bo mopoaid in inta moadil kon intau inta dinorot.

IMAMAT 19:15

Moiko musti motuḻid aka monantú kon taḷá; dika momihak kon intau bogá aka taḷánea bo dika moondok kon intau mita inta nooyúon.

KINOBAḺIAN 19:4

Táe kon wakutu in mokokiangoi mita tatua mayádon mosiug, intau mita in Sodom namangoi nonubu kon baḷoi tatua. Bayongan in intau ḷoḷaki kon kotá tatua, pinomayá inta ain nogurang ande inta batáneapa, namangoibí komintan kon tua in mosia.

KINOBAḺIAN 6:12

Ki Allah in noindoi kon dunia naa bo tongádon nokoontong kon onu inta moraat, sin bayongan intau moraatdon in kobobiag monia.

SURAT I PAULUS KON JAMAAT RUM 1:32

Kinotaauanbí monia, kon podudui in hukum i Allah, intau inta mogaid kon bayongan tua in patusbí hukumon modapot matoi. Táe umpakabí natua yo aidanbí doman monia intua komintan; bo nodapotbí in aka intau ibanea in momia kon soaḷ mita ná inta inaidan monia tua yo mosatujubí doman i mosia.

YEHEZKIEL 9:9

Ki Allah in notubag, “Intau mita in Israel bo Yohuda in nogaidon kon dosa inta totok in moḷoben. Mosia in noḻimodon kon bayongan in tampat, bo Yerusalem in kinotorandon in aid moraat. Mosia in noguman kon Akuoi, ki Tuhan, in nonaḷámaidon kon butá tanaa dá diádon mokoontong kon aid monia.

ULANGAN 24:17

Dika mogagow kon hak in intau ango-angoi bo in adí uno-unon, bo dika mogamá kon pakeang in boba-bobay tobatú sin baḻíon jaminan.

ULANGAN 16:19

Kon bonu in mogamá kon kaputusan, mosia in diábí motaau kinotantu-tantúnea ande mobogat kon toḷosi. Mosia in diábí doman motaau motarima kon doit tondan in pelekara, sin tondan in pelekara tua in mokobilog kon intau, nodapot in intau mobijaksana bo mojujur, dá mogamádon kon kaputusan inta diá moadil.

KINOBAḺIAN 7:1

Bo ki Tuhanin noguman kon i Nuh. “Inontong-Kudon kon dongkadon iko tontaní in intau inta nogaid kon onu inta kinoibog-Ku. Dá, tuotdon kon bonu in uangga tatua in moiko motoḷuadí.

HAGAI 1:4

“Ei umat-Ku, degá orasneadon kon inimu in mogutun kon baḷoi inta moropot bo motorindog, bokaka Baḷoi-Ku in apugpa doman mako?

AMSAL 18:5

Diábí mopia in moduḷu kon intau moromú bo mondorot kon intau inta diá kotaḷá.

SAMUEL 1 15:24

Nokodongogmai kon natua, ki Saul nongaku kon i Samuel, kainia, “Totuubí uḻe kon akuoi ain binaradosa. Akuoi ain iḻimimpat kon parenta i Tuhan bo diádon dinumudui kon totundú i Amá. Akuoi in moondok kon intauku dá dinuduiankudon onu in pinoigum monia.