IḶUAIAN 23:18 - Alkitab Singog In Mongondow Masa In Tanaa

¹⁸ Donaai moposumba in roti inta iragian kon dodai in moiko mopokuruban in bobiagon monimu kon i-Nakó. Ḷongó in biag inta pinokuruban monimu kon i-Nakó kon dodai in porayaan mita tatua diábí motaau in taḷaan modapot in mobangon monik.

IḶUAIAN 23:18 Referans Kwoze

IMAMAT 2:11

Kuruban sosumba inta inogoi kon i Tuhan diábí motaau in bauian biluk ande ragi, sin biluk bo ragi, diábí motaau tubáan sin posumba kon i Tuhan.

IḶUAIAN 34:25

Kon tungkuḷ in moiko moposumba in biag iratá, dika moposumba in onuka inta pinomia nomaké in ragi. Biag inta iratá inta pakéon pokuruban kon porayaan Paska musti kodaiton doḷom doman tua; diá motaau in tonggagatan dapot in mobangon monik.

ULANGAN 16:4

Pitu nosinggai in koonggotnea kon butámu diá tobatúmai in motaau motagú kon ragi kon baḷoinea. Tapú in bobiagon inta iratá kon doḷom inta muna musti kaanon kon doḷom doman tatua.

IḶUAIAN 12:10

Dika taḷaan topiḻikmai in tapú tatua modapot in doḷo-doḷom; aka oyúon in kiagatnea, musti tubáan kopayongon.

IMAMAT 7:15

Tapúnea musti kaanon kon dodai in mahaḷuk tatua pinosumba, topiḻikmai diábí motaau tonggagatan modapot in mobangon monik.

IḶUAIAN 12:8

Doḷom doman tuata tapúnea musti angagon bo kaanon takin kuyat pait bo roti diá iragian.

IMAMAT 7:12

Aka kuruban tatua pinosumba takin makusud mopoyaput in sukur, dá poyotakinon in mahaḷuk tatua pokuruban in roti diá iragian. Roti tatua motaaubí inta mobunod nongkon topong pomiaan kukis takin ḷana in zaitun, motaaubí doman in roti noingkag monipit inta iḻepoan in ḷana, ande kukis topong inta pinomia pinoyotakin in ḷana zaitun.

IḶUAIAN 12:15

Ki Tuhan noguman, “Pitu nosinggai in koonggotnea moiko diá motaau mokaan kon roti inta iragian. Kon singgai dungkuḷ bayongan in ragi musti poḷuaion nongkon baḷoimu, sin aka kon bonu in pitu nosinggai tatua intau tobatú mokaan kon roti inta iragian, yo sia in diá bidon motaau poyoiapon tombonu in umat-Ku.

IḶUAIAN 16:19

Ki Musa in noguman kon i monia, “Ki inekabí diábí motaau motagú kon kaanon tatua tongákabí topiḻik sin kaanon mopoikoḷomai kon singgai.”

IḶUAIAN 29:34

Aka mobangon monik bo oyúonpa in ki agat in ponoyá ande roti tatua, dá kiagatnea tatua musti tubáan modait, bo diábí motaau kaanon, sin ain pinotontaní.