IḶUAIAN 22:5 - Alkitab Singog In Mongondow Masa In Tanaa

⁵ Ki ine in nopomayá mako in bobiagonnea kon gobánea ande gobá in anggurnea, bo noiduduimai kon tua biagnea tatua minayá in gobá intau ibanea bo nokaan kon pinomuḷa intau ibanea, dá kitogi gobá tatua musti moguboḻi kon karugian tatua takin bungai in boyó in gobánea inta totok in mopia nongkon gobánea ande gobá in anggurnea tontaní.

IḶUAIAN 22:5 Referans Kwoze

AYUB 20:18

Bayongan in kauntungannea musti pobuionnea; onu inta siniḷopíannea diábí konanamannea.

IḶUAIAN 22:12

Aka bobiagon tatua sinakow in intau ibanea, dá intau inta nomiag tatua musti moguboḻi kon karugian i togi bobiagon tatua.

IḶUAIAN 21:34

yo kitogi parigí tatua musti monoḻiu kon karugian i togi biag tatua, táe sia in motaaubí mogamá kon biag inta ain minatoi tatua bo kon iniadon.

IḶUAIAN 22:6

Ki ine in momiag kon tuḷú kon gobánea tontaní bo tuḷú tatua iḷumekep kon gobá intau ibanea bo nomokak kon bayongan gandum inta koyogot mobiag ande pangkoi mita in gandum inta bagupa iratab, dá intau inta nomiag kon tuḷú tatua musti moguboḻi kon karugian tatua.

PINOGIAPAN 16:14

Totuubí kon iko in diábí modia kon inami mayá in butá inta mopia, andeka mobogoi kon inami in gobá mita in tudunea bo gobá mita in anggur inta mobaḻí tonsilai nami! Tanaa iko monguboḷdon kon inami! Diá, kami in doíbí mamangoi!”