IḶUAIAN 22:25 - Alkitab Singog In Mongondow Masa In Tanaa

²⁵ Aka moiko mopoḷuan in doit kon intau bogá inta kon sigad in bangusa-Ku, yo dikabí naonda bo mononagi kon boḻi inta moigum doman kon kauntungannea.

IḶUAIAN 22:25 Referans Kwoze

MAZMUR 15:5

bo mopoḷuan in doit bo diá moigum kon rente; inta doí motarima kon doit pomompon kon bibig sin moporugi kon intau inta diá kotaḷá. Intau inta mogaid kon natua, umuranbí mobiag moodom.

YEHEZKIEL 18:8

Diábí kon dodai in onda in sia in mopoḷuan bo moigum kon rentenea. Sia in doíbí momia kon inta moraat bo pomuḷoi in oyúon rogenggeng toḻisíonneabí kopiaan.

AMSAL 28:8

Ki ine in mobaḻí mooyúon popisí in moigum kon rente bo motayak kon kauntungan inta moḷoben totok, kaoyúonannea in moiḷabúbí kon intau inta motabi kon intau bogá.

NEHEMIA 5:7

bo nonantúdon kon oyúon in aidanku. Bo sinoboḷowku in guyanga mita in ḻipú bo itoi mita in rayat. Gumanku, “Moiko in mondorotbí kon i utatmu mita tontaní!” Onda intua nomia in akuoi kon bakid noyotakin sin momaḷut kon soaḷ tatua,

YEHEZKIEL 18:17

Diábí kon dodai in onda in sia in mogaid kon moraat andeka mopoḷuan takin rente. Sia in motoḷutui kon hukum-Ku mita bo dumudui kon parenta-Ku. Yo adí tatua in mobiagbí diábí matoi popisí in dosa mita i amánea.

YEHEZKIEL 18:13

Sia in mopoḷuan bo moigum kon rente. Yo degá mobiag in intau natua? Diá! Sia in nomiadon kon bayongan in oaid inta mokorongó tua, bo sia in matoibí! Sia in matoi popisíbí in aidnea tontaní.

YEREMIA 15:10

Totuu mosoe in akuoi naa! Onubí in mangaḻe in pinononggadían i ináku kon inakó? Akuoi in mustibí morogenggeng takin bayongan in intau. Umpakabí diá kon dodai in onda in akuoi mopoḷuan andeka moḷuan, táe akuoi in inodi-odian in bayongan intau.

DATU MITA 2 4:7

Onda intua ki iná tatua buidon minayá kon i Nabi Elisa, bo ki Elisa in noguman, “Potaḷuidon in ḷana mita tatua sin poguboḻi kon bayongan in boḻi i iná, bo ki agatnea in pakéondon i iná kon kobiagan i iná takin adí mita i iná.”

DATU MITA 2 4:1

Kon singgai tobatú ki baḷú in nabi tobatú in minayá kon i Elisa bo noguman, “Amá, ki buḷoiku in minatoidon! Bo kinotaauanbí doman i Amá kon sia tua in intaubí inta motoindudui kon i Allah, táe koboḻi in sia kon intau ibanea. Tanaa in intau tatua in namangoi sin mogamá kon i adíku doyowa bo baḻíonnea ki ata monia, sin poguboḻi kon boḻi i buḷoiku inta ain minatoi tua.”

LUKAS 19:23

Aka natua yo nongonu sin doitku in diábí sinagúmu kon bank, sinbá naonda in akuoi namangoi, yo doit tatua in motaauku bui gamáan takin kauntungannea?’

MATIUS 25:27

Tuamai, maní inogoiku in doitku tanion kon intau inta moibog mopobaraguna, sinbá aka akuoi mobui mangoi yo motarima kon kauntungannea.

YEHEZKIEL 22:12

Oyúon doman in nobaḻí ouboḻian moḻimod, mototayak kon kauntungan moḷoben kon intau ibanea bo mogogagow kon intau tongobangusanea. Mosia komintan nokoḻiongdon kon i-Nakó. Akuoi ki Tuhan Inta Totok in moḷantud ain nosingog.

ULANGAN 15:7

Aka moiko bo mogutundon kon butá inta inogoi i Tuhan Allahmu kon inimu, bo kon tobatú in kotámu oyúon in intau tobangusamu inta kinodaitan, dikabí tongá morai kon kobiaganmu tontaní bo doí motuḷung kon inia.

ULANGAN 24:13

táe mustibí pobuionmu kon inia pomuḷoi in doḷom, sinbá motaau pakéonnea pomuḷoi in mosiug. Dá sia in mopoyaputdon in sukur moantó bo iko in koibogdon i Tuhan Allahmu.

YEHEZKIEL 18:7

Sia in diábí kon dodai in onda in nonombuḻitok andeka nogagow. Pakakat mita inta nobaḻí tontogot in boboḻian kon inia umuranbí pobuionnea. Intau inta ginogoi inogoiannea in kaanon bo intau inta diá koḷambung inogoiannea in ḷambung.

AMOS 2:8

Kon batúan in pooibadaan, intau mita in mosiug takin mopogiḷambung in ḷambung inta ginamá monia saḷaku tontagú in boboḻian in intau bogá. Kon Baḷoi i Allah monia, mosia in nonginum kon anggur inta ginamá monia nongkon intau inta koboḻi kon i monia.