IḶUAIAN 21:9 - Alkitab Singog In Mongondow Masa In Tanaa

⁹ Aka intau tobatú motaḷui kon ata bobay sin baḻíon ki buḷoi i adínea, yo ata tatua in mustibí pomiaan naonda bo ki adínea tontaní.

IḶUAIAN 21:9 Referans Kwoze

IḶUAIAN 21:8

Aka bobay tatua diá nokosanang kon gina i tuangnea inta moniat mononibuḷoi kon inia, dá sia in mustibí potaḷui bui kon guyanganea. Bobay tatua in diábí motaau potaḷui kon intau inta bangusa ibanea, sin sia ain pinomia ibo-ibog i tuangnea inta diá nogintompod kon dandinea.

IḶUAIAN 21:10

Aka adí ḷoḷaki tatua bui mobuḷoi, sia in mustibí monoguoyá mobogoi in kaanon bo pakeang bo bayongan hak ná biasa kon i buḷoinea inta muna.