IḶUAIAN 2:21 - Alkitab Singog In Mongondow Masa In Tanaa

²¹ Ki Musa noibog nogutun kon tua. Onda intua ki Yitro nopotonibuḷoi kon i Musa takin ki adínea inta tangoinea ki Zipora.

IḶUAIAN 2:21 Referans Kwoze

IBRANI 13:5

Aka mobiag yo dikabí kawasaan in ibog kon doit, táe kosanangbí in momaké kon onu inta nouḻímu sin ki Allah nogumandon nanaa, “Akuoi in diábí mopomayá mako andeka monaḷámai kon inimu.”

YAKOBUS 1:10

Bo intau Keresten inta nooyúon, kosanangbí aka sia in poompáan i Allah. Sin intau inta nooyúon in moyoyangbí naonda bo bungai in bonok.

IBRANI 11:25

Sia in moibo-ibogbí mobiag moyoyiga moyotakin in umat mita i Allah, doíbí in sia nobiag nosanang táe umuran kinawasaan in dosa.

TIMOTIUS 1 6:6

Totuubí kon agama tua in mobogoibí in kauntungan moḷoben, aka intau tatua in umuran moorop in onu inta oyúon kon inia.

IḶUAIAN 2:10

Kon dodai in adí mointok tatua noḻin ḷobendon, pinosarakandon i inánea in sia kon i adí bobay i datu. Bo binaḻídon i adí bobay i datu tatua ki adínea. “Sinangoianku in sia ki Musa, sin sia ginamáku nongkon tubig,” guman i adí bobay datu.

PINOGIAPAN 12:1

Ki Musa notonibuḷoi in bobay intau in Kus tobatú, bo soaḷ tatua binaḻí dodoyonan i Miryam bo i Harun noningkuḻe kon i Musa.

OUMAN IN RASUL MITA 7:29

Nokodongogmai kon natua, ki Musa in noḷagui nonaḷámaidon kon Mesir bo minayá nogutun kon Midian. Kon tua in sia nokouḻí kon adí ḷoḷaki doyowa.

IḶUAIAN 2:20

“Kon onda in sia?” Ki Yitro noḻibó kon i adínea mita. “Nongonu sin sinaḷáanbí monimu intau tatua? Bayádon oiní in sia mongaan moyotakin naton.”

IḶUAIAN 4:18

Nopaḷut mako kon tua ki Musa nobui kon baḷoi i Yitro, ki nunutonnea, bo noguman kon inia, “Ogoiaipa akuoi in wakutu mobui kon Mesir sin mayá moindoi kon i utatku mita bo moindoi doman mongo nongobiagpa in mosia.” Ki Yitro in noguman kon i Musa, “Bayádon takin pia-pia mako.”

IḶUAIAN 3:1

Kon dodai intua ki Musa noḷukadmai kon domba bo bembé mita i Yitro, ki nunutonnea, inta imang kon butá in Midian. Kon dodai in sia koyogot nodia kon bobiagon mita tatua minayá kon ḻimako in padang gurun, nodapotdon in sia kon Buḷud in Sinai, buḷud inta motusi.

PINOGIAPAN 10:29

Ki Musa noguman kon i bilanea, ki Hobab adí i Rehuel intau in Midian, “Kami in mayá kon tampat inta kai Tuhan in ogoi kon inami. Ki Tuhan ain nopodandi kon inta mopia kon intau Israel. Dá duduidon, diábí pomayá mako nami in iko.”