IḶUAIAN 2:2 - Alkitab Singog In Mongondow Masa In Tanaa

² Bo bobay tatua in nopononggadídon in adí ḷoḷaki tobatú. Naonda inontongnea kon adí tatua totuu moḷunat, binuninea toḷu nobuḷan in koonggotnea.

IḶUAIAN 2:2 Referans Kwoze

IBRANI 11:23

Popisí in mopirisaya doman, dá guyanga i Musa in nobuni kon inia toḷu nobuḷan in koonggotnea naonda in noilahirdon in ki Musa. Inontong monia kon moḷunat totok in adí tatua, dá diábí noondok in mosia noḷawang kon parenta i datu.

OUMAN IN RASUL MITA 7:20

Wakutu intuata noilahirdon in ki Musa; sia in moḷunat totok. Sia in biniag toḷu nobuḷan kon baḷoi i amánea,

MAZMUR 112:5

Pia in kamang in intau inta mopia in gina bo inta moibog mopoḷuan bo mojujur kon bayongan in yagi-yagi.

IḶUAIAN 6:20

Ki Yizhar kogadí kon adí ḷoḷaki toḷu: ki Korah, ki Nepeg bo ki Zikhri.

PINOGIAPAN 26:59

Ki Amram notonibuḷoi i Yokhebed, adí i Lewi. Ki Yokhebed tua noilahir kon Mesir. Ki Amram bo ki Yokhebed kogadí kon ḷoḷaki doyowa: ki Harun bo ki Musa, takin bobay tobatú ki Miryam in tangoinea.

ULANGAN 33:16

Igumon mako butánea in mopuḻing in bayongan in inta totok mopia, bo barakatan in kopopia i Tuhan inta nosingog nongkon ḻimbuyun inta nodokot. Igumon mako barakat tatua in moponag kon buí i Yusup, sin sia tua inta nobaḻí itoi kon sigad i utatnea mita.

SAMUEL 1 16:12

Dá pinoki oinídon i Isai in ki adínea tatua. Noniata magí yo sia tua in tayowmobiagbí inta moḷunat bo mosehat, bo matanea in totuu mogaga. Bo ki Tuhan in noguman kon i Samuel, “Naadon in sia; duídon in sia!”

DATU MITA 2 11:3

Onom notaong in koonggotnea in pinomiagan i Yoseba kon adí tatua kon bonu in Baḷoi Tuhan kon tungkuḷ in ki Atalya nobaḻí datu.