IḶUAIAN 2:10 - Alkitab Singog In Mongondow Masa In Tanaa

¹⁰ Kon dodai in adí mointok tatua noḻin ḷobendon, pinosarakandon i inánea in sia kon i adí bobay i datu. Bo binaḻídon i adí bobay i datu tatua ki adínea. “Sinangoianku in sia ki Musa, sin sia ginamáku nongkon tubig,” guman i adí bobay datu.

IḶUAIAN 2:10 Referans Kwoze

IBRANI 11:24

Popisí in mopirisaya, dá ki Musa naonda in noḷantudon doíbí tangoion ki adí in bobay i datu in Mesir.

SAMUEL 1 1:20

Bobay tatua in nonogusian bo nopononggadí in adí ḷoḷaki tobatú. Sinangoiannea ki Samuel, gumannea, “Sia in pinoigumkudon kon i Tuhan.”

KINOBAḺIAN 16:11

Diádon moonggot bo iko in mopononggadí in adí ḷoḷaki tobatú; tangoiaidon in sia ki Ismael, sin dinongogdon i Tuhan in ombaḷmu.

YOHANES 1 3:1

Indoiaika dá ki Allah totokbí in motabi kon i naton, sahingga ináku-Neadon in kita saḷaku ki adí-Nea mita. Bo totuu kon kita naa in ki adíbí mita i Allah. Tuamai dunia inta moraat naa in diá nonotaau kon i naton, lantaran dunia diá nonotaau kon i Allah.

GALATIA 4:5

Sia naa in pinotabá sin mobogoi in kabebasan kon intau mita inta umuranpa nobiag kon bonu in kawasa in hukum i Musa; sinbá kita in mobaḻí ki adí mita i Allah.

MATIUS 1:21

Sia in mopononggadí in adí ḷoḷaki bo Sia tangoianmu ki Yesus, sin Sia tuata inta moposaḷamat kon umat mita baradosa.”

KINOBAḺIAN 48:5

Guman bui i Yakub, “Yusup, ki adímu doyowa, ki Epraim bo ki Manasye inta noilahir kon Mesir naa kon dodai in akuoi diápa noyaput kon naa, inanggapkubí ná ki adíku tontaní, pinodayan ná ki Ruben bo ki Simeon.

KINOBAḺIAN 4:25

Ki Adam bo ki buḷoinea bui nokouḻí kon adí ḷoḷaki. Guman i Hawa, “Ki Allah aindon nobogoi bui kon inakó in adí ḷoḷaki tobatú nobaḻí toḻiu i Habel, inta ain iḻimod i Kain.” Tuamai sinangoian i Hawa in adí tatua ki Set.

IḶUAIAN 2:9

Guman adí bobay i datu kon i iná tatua, “Diadon in adí mointok tanaa, bo potetédon in sia sin binaḻíkudon in sia ki adíku; bain uboḻianku in ki iná.” Dá dinianeadon in adí mointok tatua bo pinoteté.

SAMUEL 2 22:17

Nongkon tampat moḷantud Sia in nopotonggó in ḻima-Nea; kinadaian-Nea in akuoi bo binatun-Nea nongkon tubig inta modaḷom.