IḶUAIAN 19:8 - Alkitab Singog In Mongondow Masa In Tanaa

^8-9 Mosia komintan in notubag noyododai, “Kami in moibogbí mogaid kon bayongan inta pinoguman i Tuhan,” bo tubag monia tatua pinoyaput i Musa kon i Tuhan. Bo ki Tuhan noguman kon i Musa, “Akuoi in mamangoi kon inimu táe moibuni kon bonu in goḷom inta mobunod; intau mita in mokodongogbí kon onu in poguman-Ku kon inimu, bo pinangkoi kon singgai tatua umurandon in mosia mopirisaya kon inimu.

IḶUAIAN 19:8 Referans Kwoze

IḶUAIAN 24:7

Onda intua ginamánea in buk dodandian inta pinomaisan kon parenta mita i Tuhan, bo binacaneadon kon tayowon in bangusa tatua takin singog inta moropot. Mosia noguman, “Kami moibog dumudui kon i Tuhan bo mogaid kon bayongan parenta-Nea.”

IḶUAIAN 24:3

Ki Musa minayá bo nopotaau kon bangusa tatua in bayongan parenta bo atorang i Tuhan. Mosia komintan noyododai in notubag, “Kami komintan in moibogbí mogaid kon onu inta ain pinoguman i Tuhan.”

NEHEMIA 10:29

Kami komintan in dinumugangdon takin itoi mita nami bo nongibot kon mobiag podudui in hukum i Allah inta ain inogoi-Nea pinongin i Musa mogogundoi-Nea. Igumon mako ki Allah mongutuk kon inami aka diá intompodan nami in dodandian nami tanaa. Kami in mongibot kon dumuduibí kon bayongan in parenta, hukum bo atorang i Tuhan, Allah nami.

YOSUA 24:24

Bo intau mita tatua noguman kon i Yosua, “Kami in tongábí mogundoi kon i Tuhan, Allah naton. Kami in dumuduibí kon parenta-Nea mita.”

IḶUAIAN 20:19

Guman monia kon i Musa, “Ikodon tontaní in moguman kon inami, kami in mokidongogbí; táe donaaidon ki Allah in moguman kon inami, sin matoi in kami.”

IḶUAIAN 4:31

Dá nopirisayadon in mosia, bo naonda in dinongog monia kon ki Tuhan ain noḷongow kon bangusa Israel bo noindoidon kon bayongan roriga monia, mosia in sinumungkud bo nosumba.

YOSUA 24:21

Dá intau mita in Israel tatua notubag, “Dia! Kami in diábí mogundoi kon ilah mita ibanea. Kami in mogundoibí tongá kon i Tuhan!”