IḶUAIAN 18:22 - Alkitab Singog In Mongondow Masa In Tanaa

²² Bo mosia in mobaḻídon hakim kon bangusa tanaa, mobaḻí hakim in mosia kon paanan monia tontaní. Oaidan tatua in musti aidan monia kotompiaan. Pelekara mita inta moponting motaau potaau monia kon inimu, táe aka yogogintaḷaan mita mongogaan motaaupabí tongá paḷuton monia tontaní. Natua sinbá mogaandon in oaidanmu sin mosia in moduḷudon mogaid kon oaidanmu mita.

IḶUAIAN 18:22 Referans Kwoze

PINOGIAPAN 11:17

Moponag in Akuoi bo moyosingogmu kon tampat tatua, bo tosilai nongkon kawasa inta ain inogoi-Ku kon inimu, ogoi-Kudon kon i monia. Dá motaaudon in mosia motuḷung kon inimu mobaba kon onu inta pinoki totaau kon bangusa tanaa, bo dikadon tongá iko tontaní in mobaba kon tua.

PINOGIAPAN 36:1

Tongguḷu mita in motoḷuadí kon inanakan in Gilead, adí i Makhir, inta ki ompu i Manasye, adí i Yusup, minayá kon i Musa bo kon itoi mita ibanea.

PINOGIAPAN 27:2

Ki adí i Zelapehad ḻima tatua inta minayá kon tayowon i Musa, bo i Imang Eleazar, bo itoi mita bo bayongan umat inta noyosipunmai kon diug in ngara in Ḷoḷaigan i Tuhan. Guman monia,

PINOGIAPAN 15:33

Intau tatua musti diaan kon tayowon i Musa, i Harun bo in bayongan umat,

IḶUAIAN 18:26

Mosia nopobayá in oaidan monia mobaḻí hakim mita kon bangusa Israel. Aka pelekara mita inta moponting dá tua in diaan monia kon i Musa, táe aka tongá yogogintaḷaan mita inta mogaan paḷutondon monia tontaní.

SURAT I PAULUS KON JAMAAT RUM 13:6

Tuabí doman in nobaḻí dodoyonan kon nongonu sin moiko in moguboḻibí kon pajak, lantaranbí pomarenta tua in pogawai i Allah inta nopobayá in oaidan nongkon i Allah.

IḶUAIAN 18:18

Pogogaidmu natua totokdon in mokoḷopí kon inimu tontaní bo kon intau mita tatua. Oaidan tatua totok mobarong aka tongá tobatú in mogaid.

IḶUAIAN 18:23

Aka natua in aidanmu, bo tua in pinoki aid i Allah kon inimu, yo iko in mokotongodon in mogaid kon oaidanmu, bo bayongan intau mobui takin pia in gina sin yotaḷá monia ḷagidon pinaḷut.”

EZRA 7:25

Ki Utat ki Ezra, pakédon in pandoi inta ain inogoi i Allah kon i Utat, bo duídon in itoi mita bo hakim mita sin momarenta kon bayongan in intau kon propinsi Eprat Toyopan inta nobiag podudui in Hukum i Allah i Utat. Ki Utat in mustibí motundú kon Hukum tatua kon bayongan in intau inta diápa nonotaau kon tua.