IḶUAIAN 17:2 - Alkitab Singog In Mongondow Masa In Tanaa

² Bo nongunsingog in mosia kon i Musa takin noguman, “Ogoiaidon kami in tubig inumon.” Ki Musa notubag, “Nongonu sin moiko in mongunsingogbí bo monungkuḷ kon i Tuhan?”

IḶUAIAN 17:2 Referans Kwoze

KORINTUS 1 10:9

Kita in diábí motaau in monungkuḷ kon i Tuhan ná inta inaidan in tongonumai intau kon sigad monia tungkuḷ intua, sahingga minatoi sinobak in uḷag inta mobisa in mosia.

MAZMUR 78:41

Mopobui-buimai in mosia monungkuḷ kon i Allah, moposusamai kon i Inta Mokudus, ki Allah in Israel.

MAZMUR 78:18

Mosia in sinumontuonbí nonungkuḷ kon i Allah, pinongin monuntut kon kaanon inta kinoibog monia.

ULANGAN 6:16

Dika monungkuḷ kon i Tuhan Allahmu ná inta pinomia monimu kon Masa.

IBRANI 3:9

‘Kon tua, mosia in nonungkuḷ bo noguji kon i-Nakó,’ guman i Allah, ‘bokaka ain inontong monia in bayongan inta pinomia-Ku kon sigad monia opat nopuḷú notaong in koonggotnea.’

YESAYA 7:12

Ki Ahas in notubag, “Akuoi in doíbí moigum kon tomponuot. Akuoi in doíbí monungkuḷ kon i Tuhan.”

MATIUS 4:7

Dá ki Yesus in noguman kon inia: “Oyúon doman in pinais kon Buk Motusi: Donaaidon moiko monungkuḷ kon i Tuhan, ki Allahmu!”

MAZMUR 95:9

Kon tua mosia in nonungkuḷ kon i-Nakó, umpaka ain nokoontong kon onu in inaidan-Ku.

PINOGIAPAN 21:5

bo nongunsingogdon kon i Allah bo kon i Musa. Mosia noguman, “Nongonu sin diniamubí in kami iḻumuai nongkon Mesir? Eta degá makusud moḻimod kon inami kon padang gurun tanaa? Kon naa in diábí in kaanon, bo diá doman in tubig. Motompokdon in kami mokaan kon kaanon ḻiaw nanaa!”

OUMAN IN RASUL MITA 15:10

Yo nongonu sin tanaa mako moiko in moibogbí moḷawang kon i Allah bo mobogoi in atorang inta totok in mororiga aidan in intau mita inta mopirisaya tanion, bokaka mogoguyangpa naton in diábí doman mokoaid kon tua komintan?

OUMAN IN RASUL MITA 5:9

Dá ki Petrus in noḻibó bui nanaa “Nongonu sin kamunda motonibuḷoi in moibogbí monungkuḷ kon Roho i Tuhan? Indoiaika in intau mita inta bagu noiangoi minayá noḷobong kon i buḷoimu, sinimindogdon mako kon tayowon in ḷoḻingkop sin modia domandon kon inimu poḷuai sin bayáan ḷobongon.”

LUKAS 4:12

Ki Yesus in notubag, “Ain pinais domandon kon Buk Motusi in nanaa, ‘Donaai in iko mosoba kon i Tuhan, ki Allahmu.’ ”

MALEAKHI 3:15

Inontong bidon naton tontaní kon intau mita inta moḷoḷatú in moḷungangabí. Intau moraat in deemanbí tongá modugang motomoman, táe mosia in monungkuḷbí doman kon kososabar i Allah pongin aid monia moraat, bo mosia in moisimparutbí doman.’ ”

MAZMUR 106:14

Kon padang gurun mosia inaputan in ibog, bo nosoba kon i Allah.

MAZMUR 78:56

Táe nomarontak in mosia bo nonungkuḷ kon i Allah Inta Totok in Moḷantud, parenta-Nea mita diá dinuduian monia.

PINOGIAPAN 14:22

tongá kon sigad in intau mita tanaa diádon tobatúmai in mosia in mobiagpa bo motaau tumuot kon butá inta pinodandi-Ku kon mogoguyang monia. Sin mosia in diá motoindudui kon i-Nakó, bo umuran monungkuḷ kon i-Nakó. Bokaka mosia ain nokoontong kon sindar nongkon i-Nakó, bo inta mokoherang mita inta pinomia-Ku kon Mesir bo kon padang gurun.

IḶUAIAN 17:7

Tampat tatua sinangoian Masa sin kon tampat tatua intau Israel nonungkuḷ kon i Tuhan kon tungkuḷ in mosia noḻibó, “Degá sinakinan i Tuhan in kita ande diá?” Tampat tatua sinangoian doman Meriba sin kon tampat tatua intau Israel nongunsingog.

LUKAS 15:12

Inta muit noguman kon i amánea, ‘Papa, ogoidon kon inakó tanaa mako in silaiku nongkon kapunyaan naton.’ Dá sinilaidon i amánea kon i adínea doyowa tua in kapunyaannea.

IḶUAIAN 15:24

Dá intau mita tatua in nongunsingogdon kon i Musa bo noḻibó, “Onu in inumon naton?”

SAMUEL 1 8:6

Táe diábí nosanang in gina i Samuel in nokodongog kon onu inta pinoigum monia tua. Bo nosambayang in sia kon i Tuhan,

PINOGIAPAN 14:2

Mosia in mongunsingog kon i Musa bo kon i Harun poḷat moguman, “Maníka in kita bo matoi kon Mesir andeka kon padang gurun tanaa! Maníka in kita bo matoidon tanaa!

IḶUAIAN 5:21

Dá mandor mita tatua in noguman, “Kinotaauanbí i Tuhan in oaidmu nion! Hukumondon i Tuhan in moiko! Popisídon in moiko dá kami in kinodoídon i datu bo pogawainea, dapot in mosia moḻimodon kon inami.”

IḶUAIAN 16:8

Ki Tuhan mobogoi kon i monimu in ponoyá kon dodai in ḷoḷabungnea, bo roti kon dodai in doḷo-doḷom modapot in moiko mobotug, sin ain dinongog i Tuhan kon moiko in sinumorú kon i-Nia. Totuubí kon aka moiko tumorú kon inami, yo moiko in naondabí bo sinumorú kon i Tuhan.”

MAZMUR 95:8

“Dika tumontogat naonda bo mogoguyangmu kon Meriba, naonda kon tungkuḷ in mosia kon Masa, kon padang gurun.

MAZMUR 106:13

Táe ḷagibí kinoḻiongan monia in aid i Tuhan bo mogaid takin diádon mopoigum in tonggina-Nea.

ULANGAN 9:22

Ná doman tua in kon Tabera, kon Masa bo kon Kibrot-Taawa, moiko nokopomukádon in torú i Tuhan.