IḶUAIAN 16:3 - Alkitab Singog In Mongondow Masa In Tanaa

³ Guman monia, “Maníka bo kami minatoidon iḻimod i Tuhan kon Mesir. Kon tua in kami moikaa-kaanbí doman kon ponoyá bo roti dapot in mobotug. Táe moiko ain nodia kon inami namangoi in naa sinbá kami komintan matoi in gogoy.”

IḶUAIAN 16:3 Referans Kwoze

IḶUAIAN 17:3

Táe intau mita tatua totokdon in moyogang bo umurandon in mosia mongunsingog kon i Musa. Guman monia, “Nongonu sin diniamubí in kami nongkon Mesir? Degá, bá matoi in rogang in ki adí mita nami takin bobiagon mita nami?”

OMBAḶ 4:9

Mororiga in mosia bo koonggot-koonggot matoidon, popisí in beresidon diá in kaanon; inta matoi kon poparangan, in mopia-pia kon inta matoi in gogoy.

ULANGAN 28:67

Kon dodai in mokoontongkabí kon onu putúmu modoḷodok sin moondok. Doḷo-doḷom moiko moharap mako kon modoḷomdon bo doḷom moiko moharapdon mako kon bá mobayagdon.

YEREMIA 2:6

Akuoi in diádon pinandungmai; Akuoi, inta ain nokapit kon i monia kon daḷan, bo nodia kon i monia iḻumuai nongkon Mesir sinumaḻib kon rawang in bungaion, tampat inta diá in mobobiag inta nobayong in pobeukan, bo inta noingkag bo mokoanib doman – tampat inta diá inutunan bo diá bayáanmai!

PINOGIAPAN 14:2

Mosia in mongunsingog kon i Musa bo kon i Harun poḷat moguman, “Maníka in kita bo matoi kon Mesir andeka kon padang gurun tanaa! Maníka in kita bo matoidon tanaa!

KORINTUS 1 4:8

Oobí kon diá bidon moparaḷu kon onu bo onu in moiko! Sin nooyúondon bo nobaḻídon datu in moiko! Yo kami in diá. Mopiabí totok aka moiko bo totu-totuudon nobaḻí datu, sinbá motaau in kami momarenta moyotakin monimu.

YOSUA 7:7

Ki Yosua noguman kon i Tuhan, “O Allah Tuhanku! Onu in mangaḻe in pinodiaan-Mu kon inami nodapot kon ḷoḷan in Yordan? Yo degá tongábí mobogoi kon inami kon intau mita in Amori? Sinbá matoi in kami? Mopia-piabí kon nogutun kon ḷoḷan in Yordan in kami!

KORINTUS 2 11:1

Pomayápa mako akuoi in tumombodok topiḻik. Motaaubí degá?

OUMAN IN RASUL MITA 26:29

Dá tubag doman i Paulus, “Sambayanganku kon i Allah sinbá moonggot ande motoyong, ki Tuang takin bayongan intau inta nokodongog kon singogku singgai naa in modait mobaḻí ná akuoi naa – táe deemanbí tokigon ná tanaa!”

AYUB 3:20

Nongonu sin intau in pinomayábí mako in umuran mobiag mororiga? Nongonu sin bayag in inogoibí kon i monia inta morobonoḷ in gina?

AYUB 3:10

Kinutukdon in doḷom mokobodito kon tungkuḷ in akuoi pinononggadí i ináku, bo biódon in mobaba kon roriga.

AYUB 3:1

Bo nomangkoidon in ki Ayub nosingog bo nongutuk kon singgai pinononggadían kon inia, kainia,

SAMUEL 2 18:33

Nokodongogmai kon tua noajardon totok in gina i datu, bo noponik in sia kon yuang inta kon ḻimonik in ngara moḷoben bo nongombaḷ nogamui, “O adíku! Adíku Absalom! Absalom, adíku! Mopia-piabí kon akuoi in minatoi monoḻiu kon inimu, adíku! Absalom, adíku!”

ULANGAN 8:3

Pinomayá-Nea mako in moiko ginogoi, bo moiko inogoian-Nea in manna sin kaanon. Moiko bo mogoguyang monimu diápabí dodai onda nokaan kon kaanon natua. Inaidan i Tuhan in natua sin motundú kon i monimu kon intau tua in diábí mobiag tongá nongkon kaanon, táe nongkon bayonganbí doman in onu inta siningog i Tuhan.

PINOGIAPAN 16:41

Nopoikoḷomai kon singgai bayongan umat in Israel kitoru-torúmai kon i Musa bo kon i Harun. Mosia nosingog, “Moiko ain noḻimod kon umat i Tuhan.”

PINOGIAPAN 16:13

Eta diápa tugat in pinogoiníanmu kon inami iḻumuai nongkon butá in Mesir inta mopia tatua sin moḻimod kon inami kon padang gurun tanaa? Yo mustipa doman iko momarenta kon inami?

PINOGIAPAN 11:15

Aka umuran nanaa in pomiaan i Tuhan kon inakó, yo ampungaidon kaasí in akuoi; bo maníka ḷagidon akuoi ḻimod sinbá diádon in akuoi momotaan kon yoyiga ná tanaa.”

IḶUAIAN 5:21

Dá mandor mita tatua in noguman, “Kinotaauanbí i Tuhan in oaidmu nion! Hukumondon i Tuhan in moiko! Popisídon in moiko dá kami in kinodoídon i datu bo pogawainea, dapot in mosia moḻimodon kon inami.”

IḶUAIAN 2:23

Noonggot mako kon tua ki datu in Mesir minatoidon. Táe bangusa Israel umuranpa doman mogamui popisí in mosia umuranpa doman sinonggata, nodapot in mosia nomaḷú mokituḷung. Amui monia tatua dinongogdon i Allah.

PINOGIAPAN 14:3

Onubí in mangaḻe in podiaan i Tuhan kon i naton mayá in tua? Bá matoi degá in kita kon parang bo buḷoi takin adí mita naton dakopon monia. Mopia-piabí kon mobui in kita kon Mesir!”

MAZMUR 78:19

Mosia in noḷawang kon i Allah takin tosingogon, “Mokotongod degá in ki Allah in mopokaan kon inaton kon padang gurun?

MAZMUR 78:25

Inogoian-Nea in mosia in kaanon inta mobayong totok; mosia in nokaan kon roti in malaekat.

YEREMIA 44:17

Bayongan inta ain pinodandi nami, in aidanbí doman nami. Kami in umuranbí moposumba in kuruban kon i Bokí in Soroga, bo mopobutak in tubig in anggur mobaḻí sosumba kon inia ná inta biasamai pomiaan kon kotá mita in Yohuda bo kon daḷan mita kon Yerusalem in mogoguyang nami, in datu mita bo in pojabat mita in pomarenta nami bo inami tontaní. Kon dodai intua kon inami in tugatbí in kaanon, kami in nobiag notompia, bo diábí in roriga onu bo onu nion.

IḶUAIAN 14:11

Guman monia kon i Musa, “Eta degá diá in poḷobongan kon Mesir, dá diniamu mangoi kon naa in kami sinbá matoi kon tampat tanaa? Indoiaika bungai in oaidanmu tatua!

PINOGIAPAN 11:20

táe motompod in tobuḷan koonggotnea in pokaanan monimu kon ponoyánea, modapot in moiko motakit bo mototuka popisí intua. Tua in mobaḻí sin moiko aindon nondoí kon i Tuhan inta kon yua-yuak monimu. Bo popisí doman in moiko ain nongombaḷ kon tayowonnea bo nongunsingog kon moiko ain nonaḷámai kon butá Mesir.”

PINOGIAPAN 21:5

bo nongunsingogdon kon i Allah bo kon i Musa. Mosia noguman, “Nongonu sin diniamubí in kami iḻumuai nongkon Mesir? Eta degá makusud moḻimod kon inami kon padang gurun tanaa? Kon naa in diábí in kaanon, bo diá doman in tubig. Motompokdon in kami mokaan kon kaanon ḻiaw nanaa!”

MAZMUR 107:5

Mosia in inaput in gogoy bo yogang bo kinobuḻian in bayongan in kamang.