IḶUAIAN 16:22 - Alkitab Singog In Mongondow Masa In Tanaa

²² Kon singgai inggonomnea nosipun in mosia kon kaanon kodua in kobayongnea ná inta singgai biasamai, opat noliter in kon intau tobatú. Bayongan itoi monia namangoi bo nopotaau intua kon i Musa.

IḶUAIAN 16:22 Referans Kwoze

IḶUAIAN 16:5

Kon singgai inggonomnea musti in mosia mosipun kon kaanon tatua kodua ná inta muna in kobayongnea.”

IMAMAT 25:22

Bo kon dodai in moiko momuḷa kon gobámu kon taong mongin waḷu, bungai in boyó kon taong noginggonom oyúonpa bo tugatpa kaanon monimu. Modapot in tongkaaḷ kaanon monimu tua tugatpabí moiyaput in wakutu pobatunan kon bungai in boyó kon taong tatua.

IMAMAT 25:12

Taong tatua in nobaḻídon taong inta motusi kon inimu. Moiko tongábí motaau mokaan kon onu inta tongá kino bia-biagnea kon gobámu.

IḶUAIAN 34:31

Táe ki Musa in nogoiní kon i monia, dá ki Harun bo bayongan itoi monia in dinimiugdon kon inia, bo ki Musa nopoyaput in singog kon i monia.

IḶUAIAN 16:16

Ki Tuhan nomarenta sinbá komintan intau mosipun kon inta tugat pakéonnea, batúan in tombonu in baḷoi tododoyowa noliter.”

IḶUAIAN 16:21

Pomuḷoi in doḷo-doḷom mosia in mosipun kon kaanon tatua kobayong inta paraḷuon monia, bo aka mopatúdon in singgai dá kiagat in kaanon inta kon butá ḷumoḷayatdon.