IḶUAIAN 16:14 - Alkitab Singog In Mongondow Masa In Tanaa

¹⁴ Naonda in oḷú tatua ginumabut, kinoontongandon kon padang gurun barang tobatú inta monipit naonda bo unap inta moaḷus naonda bo oḷú inta kinumontoidon.

IḶUAIAN 16:14 Referans Kwoze

MAZMUR 105:40

Mosia in nopoigum, bo pinopoangoi-Neadon in ḷagapan onggo-onggoyung, mosia in inogoian-Nea in roti nongkon soroga nodapot in nobotug.

MAZMUR 78:24

Pinoonag-Nea in gandum nongkon soroga, manna ogoi kaanon monia.

NEHEMIA 9:15

Kon tungkuḷ in mosia ginogoi bo kinodaitan in kaanon, roti nongkon ḷangit pinoangoi-Mu. Bo nongkon buḷud batu pinoangoi-Mudon in tubig moḷoben inta mokoguḻí kon yogang. Pinoki ḻitúan-Mu in mosia in butá inta pinodandi-Mu kon inia takin ibot.

ULANGAN 8:3

Pinomayá-Nea mako in moiko ginogoi, bo moiko inogoian-Nea in manna sin kaanon. Moiko bo mogoguyang monimu diápabí dodai onda nokaan kon kaanon natua. Inaidan i Tuhan in natua sin motundú kon i monimu kon intau tua in diábí mobiag tongá nongkon kaanon, táe nongkon bayonganbí doman in onu inta siningog i Tuhan.

MAZMUR 147:16

Sia in mopoonag in salju naonda bo kapot, bo moporarit in oḷú nokompoḷ naonda bo ḷobud.

IḶUAIAN 16:31

Kaanon tatua in sinangoian manna pinonangoi in intau Israel. Batangannea in naonda bo batoḷ mita mongointok bo nongobudó, nanamnea in naonda bo kukis inta binauian in biluk.