IḶUAIAN 15:5 - Alkitab Singog In Mongondow Masa In Tanaa

⁵ Mosia iḻiom in dagat inta modaḷom, bo naonda batu inta sinumaḷom dapot in anor.

IḶUAIAN 15:5 Referans Kwoze

NEHEMIA 9:11

Sinbá oyúon in bayáan in umat-Mu, dagat binotak-Mu; Pinopoḷoḷan-Mu in mosia nongin gantog in dagat inta modaḷom, naonda bo batu inta noitaḷom kon dagat inta mokoondok.

IḶUAIAN 15:10

Táe tongá pinoginaan i Tuhan komintan nokopoangoi kon singgai nokobodito kon intau in Mesir. Mosia in noḷomot naonda bo tangat inta mobogat kon bonu in tubig inta mondangat.

IḶUAIAN 14:28

Tubig in dagat noyobui bo noḷingkum kon kereta mita, intau mita inta nodia, bo bayongan tontara in Mesir inta nogaḷow kon intau in Israel kon yuak in dagat, dapot in mosia nodait minatoi.

YEHEZKIEL 27:34

Tanaa noitaḷomdon in iko, norimumud kon apad in dagat. Bayongan in intaumu bo bayongan in datog nobuḻi noyotakinmu kon yuak in dagat.’

WAHYU 18:21

Onda intua, tobatú malaekat inta moropot, nobingkat kon tobatú batu inta ná koḷoben in giḻingan, bo pinogambatnea kon bonu in dagat bo poḷat noguman, “Pomiaan natua in kotá in Babel inta moḷoben tua, pogambat koropoton sahingga in diádon bui ontongon.

MATIUS 18:6

“Táe ki ine in mokopopisí kon tobatú nongkon sigad in mongoadí mita tanaa in diádon mopirisaya kon i-Nakó, yo mopia-piabí aka gantung bo popotogot kon sigogownea bodongka taḷomon kon dagat.

MIKHA 7:19

Iko in buibí angoian in tabi kon inami bo mongampung kon inami. Dosa mita nami in rita-ritakan-Mubí magí-mako bo pogambat-Mu kon apad in dagat!

YUNUS 2:2

“O Tuhan, Kon bonu in rorigaku akuoi in mokuani kon ini-Mu bo Iko in motubag kon inakó. Nongkon dunia in intau minatoi akuoi mopoigum in totuḷung, oigumku in inindongogan-Mu bo inindoian-Mu.

IḶUAIAN 15:16

Sin mosia totokdon inagían ondok mokoontong kon ropot i Tuhan. Kon dodai in umat-Mu noitaḻib, musung modait dumoit; nosaḷamatdon in bangusa inta pinoḷuat-Mu.

MAZMUR 106:11

Táe tubig in noḷomot kon musung monia; diá tobatúmai in kinotaḻiban.

AMSAL 8:24

Akuoi in oyúondon kon dodai in baḷangon diápa binaḻí, kon dodai in diápa in bokaká mita.