IḶUAIAN 14:9 - Alkitab Singog In Mongondow Masa In Tanaa

⁹ Tontara in Mesir takin in bayongan kabaḷo, kereta bo mododianea nogaḷow kon intau Israel, bo nomatuk kon i monia kon pinonḷoḷaigan monia kon pintad in dagat inta kon diug in Pi-Hahirot.

IḶUAIAN 14:9 Referans Kwoze

IḶUAIAN 15:9

Musung noguman, ‘Mosia in aḷowanku bo domokon, rabutonku in pitow, bo rataanku in mosia. Bo bayongan kaoyúonan monia agowonku, sila-silaionku bo pakéonku modapot in moorop.’

YOSUA 24:6

Akuoi in nodia kon mogoguyangmu tua iḻumuai nongkon Mesir, bo intau in Mesir nondudur kon i monia takin kereta in parang bo tontara inta sinumakoi kon kabaḷo. Bo naonda in mogoguyang monimu nodapot kon Dagat in Gelagah,

IḶUAIAN 14:2

“Potabádon intau in Israel mobui bo mononḷoḷaigan kon tayowon kotá in Pi-Hahirot, kon sigad in kotá Migdol bo Dagat Gelagah, kon diug in kotá Baal-Zepon.

IḶUAIAN 13:18

Tuamai ki Allah in nodia kon i monia nongin daḷan inta noḻibu nongin padang gurun nopobayá in Dagat in Gelagah. Kon dodai in nonaḷámai kon Mesir, intau mita Israel tatua nodia kon abit naonda bo mayá moparang.

PINOGIAPAN 33:7

Nongkon tua mosia nobui kon Pi-Hahirot, kon dotá in pomukaan Baal-Zepon, bo nononḷoḷaigan kon diug in Migdol.