IḶUAIAN 14:31 - Alkitab Singog In Mongondow Masa In Tanaa

³¹ Kon tungkuḷ in intau Israel nokoontong kon naonda in ki Tuhan inta takin kawasa-Nea inta moḷoben nonaḷow kon intau in mesir, totok noherang in mosia dá nopirisayadon kon i-Nia bo kon i Musa, ata-Nea tatua.

IḶUAIAN 14:31 Referans Kwoze

YOHANES 2:11

Tuata in soaḷ mokoherang inta dungkuḷ totok inta pinomia i Yesus. Tua in pinomia-Nea kon Kana inta kon Galilea. Takin tanda tatua Sia in nopoontongdon in kawasa-Nea. Dá murí-Nea mita in nopirisayadon kon i-Nia.

YOHANES 11:45

Nobayong in intau Yahudi inta namangoi nohibur kon i Maria in nopirisayadon kon i Yesus naonda in nokoontong kon onu inta nobaḻí tatua.

LUKAS 8:13

Aka bibit inta noḷabú kon butá inta nobayong in batu, tua in ibarat intau inta nokidongog kon Pirman i Allah, bo notarima takin pia in gina, táe onu in dinongog monia tua diá noitonop kon bonu in gina monia. Mosia in tongá nopirisaya notoyong, naonda in kino angoian sobaan, mosia in diá nonahang bo nobaḷui in pirisaya monia kon i Allah.

MAZMUR 119:120

Akuoi in mourot popisí in moondok kon ini-Mu, ginaku in moondok kon atorang-Mu.

TAWARIKH 2 20:20

Nopoikoḷomai kon singgai, subupa totok, rayat iḻumuai bo minayá in butá kon padang gurun kon diug in Tekoa. Kon dodai in mosia mobuatdon, ki Yosapat nobogoi in koyow tanaa kon i monia, “Rayat in Yohuda bo Yerusalem! Popirisayabí kon i Tuhan Allahmu, dá mokotongodbí in moiko. Tarimadon in tonggina mita in nabimu mita, dá kodapotanbí monimu in sinayak monimu!”

IḶUAIAN 4:31

Dá nopirisayadon in mosia, bo naonda in dinongog monia kon ki Tuhan ain noḷongow kon bangusa Israel bo noindoidon kon bayongan roriga monia, mosia in sinumungkud bo nosumba.

OUMAN IN RASUL MITA 8:13

Ki Simon in nopirisayadon doman. Bo naonda in sia binaptis, sia umuran dumudu-dudui mako kon i Pilipus. Soaḷ mita inta mokoherang inta inaidan i Pilipus totok mokoherang kon i Simon.

SAMUEL 1 12:18

Bo nosambayangdon in ki Samuel, bo kon singgai domandon tuata ki Tuhan nopoangoi in gotup bo uyan. Bayongan in bangusa tatua nobaḻí noondok kon i Tuhan bo kon i Samuel.

IBRANI 3:5

Saḷaku simpaḷ kon Baḷoi Allah, ki Musa in mosatiabí in nogaid kon oaidannea bo sia ain nopotaau doman in soaḷ mita inta bain popotaau i Allah kon singgai moiduduimai.

YOSUA 4:24

sinbá bayongan in intau kon dunia monotaaudon kon nádomai tua in koḷoḷoben in kawasa i Tuhan. Bo bá moiko in umuran mohoromat kon i Tuhan Allahmu dapot in kopaḷutannea.”

SAMUEL 1 12:16

Tanaa, indongogaipa bui! Tarukiradon in mokoherang moḷoben inta bain pomiaan i Tuhan kon tayowonmu.

NEHEMIA 9:9

Inindoian-Mu in roriga in mogoguyang nami kon tungkuḷ intua; Inindongogan-Mu in ombaḷnea kon Mesir bo kon Dagat in Teberau.

YOSUA 4:14

Kon singgai tatua ki Tuhan nomia kon soaḷ mita inta nopobaḻí kon bangusa Israel mohoromat kon i Yosua nobaḻí intau moḷoben. Kinoouput in kobiagannea mosia mohoromat kon inia ná pinohohoromat monia kon i Musa.

YOSUA 24:7

mosia in nokuani kon i-Nakó mopoigum in totuḷung. Dá tampat kon sigad monia bo in intau mita in Mesir tua binaḻí-Ku sinimindip, bo intau mita in Mesir tatua kinoḷoban-Ku in tubig in dagat nodapot in mosia noḷomot komintan. Kinotaauan bidon monimu komintan in onu inta inaidan-Ku kon intau in Mesir. Noonggot totok in mosia nogutun kon padang gurun.