IḶUAIAN 14:25 - Alkitab Singog In Mongondow Masa In Tanaa

²⁵ Binaḻínea roda mita in kereta tatua diá noburow, dá mororigadon totok monia in mayá. Guman intau in Mesir, “Koḻigai kita moḷagui monaḷámai kon intau Israel, sin ki Tuhandon in moparang monayow kon i naton.”

IḶUAIAN 14:25 Referans Kwoze

IḶUAIAN 14:14

Ki Tuhan in moposaḷamatbí kon i monimu, bo moiko in dika bidon mogaid kon onu bo onu.”

YEREMIA 51:21

Iko in pakéon-Ku morimumud kon kabaḷo bo tumotakoinea, takin kereta bo mododianea.

AYUB 20:24

Aka ḷumuat in sia kon pitow uwaja, yo sia in paḻíanbí in piot bitú.

ULANGAN 3:22

Dika moondok kon i monia, sin ki Tuhan Allahmu in motuḷungbí kon inimu.”

AMOS 9:1

Akuoi in nokoontong kon ki Tuhan in sinimindog kon diug in mezbah. Sia in nomarenta nanaa, “Bongkugdon koropot totok in ubung mita in oigi in Baḷoi-Ku sinbá bayongan in dangkuḷonnea modandú. Popoumpagdon in oigi mita tatua kon intau mita. Mosia inta diá matoi in ḻimodon-Ku kon poparangan. Diábí tobatúmai in intau in mokoḷagui, diábí tobatúmai in moipaḷuput.

AMOS 5:19

Kaadaannea in naonda bo intau inta noḷagui kon singa, táe noyodungkuḷ in beruang. Andeka naonda bo intau inta nobui kon baḷoi bo nopotungkud in ḻimanea kon dinding, bo sinobak in uḷag!

MAZMUR 76:6

Intau mita mobarani ain pinogagowan; mosia in noisiug bidon bo diádon mobangon bui. Tontara mita inta mongotorindog noinggamádon in ropotnea.

MAZMUR 68:12

Ki Tuhan in nomarenta, bo bobay mita in nodia kon habar:

MAZMUR 46:9

Igai, indoiaika mongo onu in pinomia i Tuhan, totuu mokoherang in oaidan-Nea kon dunia!

AYUB 27:22

Sia in dinangatan takin diá in tabi, bo nopakisa notayak kon pogadopan.

AYUB 11:20

Táe intau moraat in moindoibí takin motoboḻingo, sin kon i monia in diábí in totuḷung. Totobatú in kamang monia tuata in popatoi ḷagidon moiangoi.”

AMOS 1:14

Tuamai, potabá-Kubí in tuḷú kon dinding mita in kotá in Raba, bo momokak komintan kon bentengnea mita. Kon tungkuḷ intua kodongogandon in dowawá in parang, bo parang tumagabdon naonda bo deḷang.

HAKIM MITA 4:15

onda intua nonubu kon i Sisera. Bo pinotombauk i Tuhan in bayongan tontara i Sisera bo kereta mita in parangnea, dá ki Sisera noponagdon nongkon keretanea, bo noribatuk noḷagui.

IḶUAIAN 14:4

Baḻíon-Ku in sia motogat in gina sinbá aḷowanneadon in moiko. Táe poontong-Kudon in kawasa-Ku kon i datu in Mesir bo tontaranea mita, bá kotaauandon monia kon Akuoi naa in ki Tuhan.” Bo inaidandon intau in Israel onu inta ain pinarenta i Tuhan kon i monia.

IḶUAIAN 14:18

Dá kotaauandon intau In Mesir kon Akuoibí in ki Tuhan.”

ULANGAN 32:31

Musung in Israel nonotaau kon pogogadopan monia diábí ná ki Allah inta mogogoḻiung in Israel.

NEHEMIA 6:16

Naonda in musung mita nami kon sigad in bangusa mita kon diugmai tua nokodongog kon tua, nooyá in mosia sin kinotaauandon monia kon oaidan tatua in inaidanbí pinodoyon kon totuḷung i Allah.

IḶUAIAN 15:3

Ki Tuhan in pojuang inta totok moropot, Ki Tuhan, tuata in tangoi-Nea.

ULANGAN 1:30

Ki Tuhan Allah in modiabí kon i monimu bo moposaḷamat kon i monimu ná inta ain inontong monimu tontaní kon Mesir

YOSUA 10:14

Diábí kon dodai in onda in nobaḻí in ná singgai tatua, bo diá bidon bui mobaḻí in ná singgai tatua, kon ki Tuhan in dinumudui kon ibog in intau. Ki Tuhan notuḷung kon Israel noparang!

TAWARIKH 2 20:29

Bayongan in bangusa ibanea noondokdon naonda in nokodongog kon naonda in ki Tuhan nonaḷow kon musung mita in Israel.

NEHEMIA 4:14

Naonda in inontongku kon rayat in moondok, noguman in akuoi kon i monia, bo kon mototundú mita bo itoi mita, “Dika moondok kon musung! Toropdon in ki Tuhan inta moropot bo inta motoyang, bo poḷongasidon moyotakin sin kopontingan i utatmu mita, bo kon adí mita bo kon i buḷoi bo baḷoimu!”

NEHEMIA 9:11

Sinbá oyúon in bayáan in umat-Mu, dagat binotak-Mu; Pinopoḷoḷan-Mu in mosia nongin gantog in dagat inta modaḷom, naonda bo batu inta noitaḷom kon dagat inta mokoondok.

MAZMUR 35:1

Mazmur i Daud. Tuhan, tayowaidon in intau inta monayow kon inakó, parangdon in intau inta momarang kon inakó.

YESAYA 31:4

Ki Tuhan in noguman kon inakó, “Naonda bo singa moganggor sin moḷukad kon onu inta noaḷapnea bo diábí motaau gogondokon in karak bo guak in gombala topaanan inta pinotabá moḷawang kon inia, natua doman in Akuoi in moparangbí bo moḷukad kon Buḷud in Sion.