IḶUAIAN 13:7 - Alkitab Singog In Mongondow Masa In Tanaa

⁷ Kon bonu in pitu nosinggai moiko diá motaau mokaan kon roti inta iragian, bo kon bayongan in butámu diábí motaau oyúon in ragi ande onukadon inta iragian.

IḶUAIAN 13:7 Referans Kwoze

MATIUS 16:6

Ki Yesus noguman kon i monia, nanaa: “Umuran pobasadia bo mokopoingat kon ragi in intau in Parisi bo Saduki.”

KORINTUS 1 5:8

Manangka intua, koḻigai in kita morame takin momaké in roti inta diá koragi, tuata in roti inta pinodoyon kon gina motuḻid bo inta kinopopia in gina i Allah. Dika in kita momaké in ragi inta nokoyongandon, ragi inta diádon nopia bo ain noromú.

IḶUAIAN 12:15

Ki Tuhan noguman, “Pitu nosinggai in koonggotnea moiko diá motaau mokaan kon roti inta iragian. Kon singgai dungkuḷ bayongan in ragi musti poḷuaion nongkon baḷoimu, sin aka kon bonu in pitu nosinggai tatua intau tobatú mokaan kon roti inta iragian, yo sia in diá bidon motaau poyoiapon tombonu in umat-Ku.

ULANGAN 16:4

Pitu nosinggai in koonggotnea kon butámu diá tobatúmai in motaau motagú kon ragi kon baḷoinea. Tapú in bobiagon inta iratá kon doḷom inta muna musti kaanon kon doḷom doman tatua.

YOSUA 5:11

Nopoikoḷomai kon singgai, kon dungkuḷ totok in mosia nokaan kon bungai in boyó kon Kanaan, tuata in: roti diá iragian, bo gandum inangag.