IḶUAIAN 13:3 - Alkitab Singog In Mongondow Masa In Tanaa

³ Ki Musa noguman kon bangusa Israel, “Kon singgai naa ki Tuhan nopoḷuatdon kon i monimu takin kawasa-Nea inta moḷoben, nodapot in moiko nokoḷuaidon nongkon Mesir, tampat pinononggataan kon i monimu. Tuamai, tanobdon in singgai tanaa. Donaaidon mokaan kon roti inta iragian.

IḶUAIAN 13:3 Referans Kwoze

ULANGAN 24:18

Toropdon kon moiko in nokoimontandon nobaḻí ata kon Mesir bo pinoḷuai i Tuhan Allahmu; tuamai in akuoi mobogoi in atorang tanaa kon inimu.

ULANGAN 5:15

Toropdon kon moiko in koḻipod in sinonggata doman kon Mesir, bo pinoḷuat i Tuhan Allahmu takin ropot inta moḷoben. Tuamai moiko parentaan-Ku sinbá morame kon singgai in Sabat.

IḶUAIAN 20:2

“Akuoi naa in ki Tuhan Allahmu inta nopoḷuai kon i monimu nongkon Mesir tampat inta pinononggataan kon i monimu.

ULANGAN 16:12

Duduiaibí in bayongan parenta-Nea pokosatia, bo dika mokoḻiong kon koḻipod in moiko in atabí kon Mesir.”

ULANGAN 5:6

‘Akuoi in ki Tuhan Allahmu inta nodia kon i monimu iḻumuai nongkon Mesir, tampat inta pinononggataan kon i monimu.

ULANGAN 15:15

Toropdon kon moiko in koḻipod in atabí doman kon Mesir bo pinoḷuatdon i Tuhan Allahmu; tuamai in ogoiku in parenta tanaa kon inimu.

ULANGAN 6:12

yo ḷukadai kopiaan sinbá diá in moiko mokoḻiong kon i Tuhan inta ain nopoḷuai kon i monimu nongkon Mesir, tampat pinononggataan kon i monimu.

ULANGAN 16:3

Sosumba Paska tatua musti kaanon takin roti inta diá iragian. Pitu nosinggai in koonggotnea moiko in musti mokaan kon roti inta diá iragian, ná kon dodai in moiko nonaḷámai kon Mesir takin iḻimika-ḻikat. Kaandon in roti tatua, roti inta sinangoian roti in roriga, sinbá kinoouput in kinobiaganmu moiko mokotorop kon singgai moiko nonaḷámai kon Mesir, tampat kinoyoyigaan monimu.

ULANGAN 8:14

yo ḷukadai kopia sinbá moiko diá mobaḻí mododia bo mokoḻiongdon kon i Tuhan Allahmu inta nopoḷuai kon i monimu nongkon Mesir, tampat inta pinononggataan kon i monimu.

IḶUAIAN 13:14

Aka kon singgai moiduduimai ki adímu moḻibó onu in mangaḻe in tua komintan, yo nanaa in pototubag monimu, ‘Takin kawasa inta moḷoben, ki Tuhan nodia kon i naton iḻumuai nongkon butá in Mesir, tampat pinononggataan kon i naton.

YOSUA 24:17

Ki Tuhan Allah natondon inta nopoḷuat kon mogoguyang naton bo kon inaton doman tontaní nongkon pinononggataan kon Mesir. Kita in nokoontongdon kon inta mokoherang mita inta pinomia i Tuhan. Ki Tuhan in umuranbí moḷukad kon i naton kon binayáan naton, sinumaḻib kon butá mita in intau mita ibanea.

ULANGAN 24:22

Toropdon kon moiko in nokoimontandon nobaḻí ata kon Mesir; tuamai in akuoi mobogoi in atorang tanaa kon inimu.

IḶUAIAN 12:42

Doḷom tua ki Tuhan umuran moḷukad sin modia kon i monia ḷumuai nongkon Mesir. Bo tuata doman in doḷom inta umuran pinosumba kon i Tuhan nobaḻí doḷom ponanoban. Kon doḷom tatua umat in Israel musti kiḷuka-ḷukadmai.

ULANGAN 4:34

Dodai in onda in oyúon in ilah tobatú inta nobarani nogamá kon bangusa tobatú nongkon bangusa mita inta oyúon bodongka binaḻí umatnea tontaní, ná inta inaidan i Tuhan Allahmu kon inimu kon Mesir? Inontongdon monimu tontaní naonda in ki Allah takin ropot inta moḷoben nopoangoi in bodito bo parang, nomia kon inta mokoherang mita bo nomia kon soaḷ mita inta motoyang totok.

IḶUAIAN 23:15

Kon bonu in buḷan Abib, podudui in wakutu inta ain sinantú, moiko musti mogaid kon porayaan inta sinangoian Pesta Roti Diá Ragi ná inta ain pinoguman-Ku kon inimu, sin kon buḷan in tatuata moiko nonaḷámai kon Mesir. Donaai mokaan kon roti inta iragian kon bonu in porayaan pitu nosinggai tatua. Kon batúannea in moiko in mamangoi mosumba kon i-Nakó, moiko musti modia kon sosumba.

IḶUAIAN 20:8

Toropdon in singgai in Sabat bo horomatbí in singgai tatua mobaḻí singgai inta motusi.

IḶUAIAN 12:8

Doḷom doman tuata tapúnea musti angagon bo kaanon takin kuyat pait bo roti diá iragian.

IḶUAIAN 6:1

Ki Allah in noguman kon i Musa, kai-Nia, “Akuoi naa in ki Tuhan.

IḶUAIAN 3:20

Táe Akuoi mopomakébí in kawasa-Ku, bo mohukum kon Mesir takin mopoangoi in bayongan inta mokoondok kon tua. Mopaḷut mako in tua, ogoineadon in moiko mobuat nongkon tua.

IḶUAIAN 12:15

Ki Tuhan noguman, “Pitu nosinggai in koonggotnea moiko diá motaau mokaan kon roti inta iragian. Kon singgai dungkuḷ bayongan in ragi musti poḷuaion nongkon baḷoimu, sin aka kon bonu in pitu nosinggai tatua intau tobatú mokaan kon roti inta iragian, yo sia in diá bidon motaau poyoiapon tombonu in umat-Ku.

MAZMUR 105:5

Ei buí i Abraham, mogogundoi-Nea, bo buí i Yakub, intau inta piniḻí-Nea, toropdon in bayongan inta mokoherang inta inaidan-Nea, dika mokoḻiong kon inta ain sinantú-Nea mita.

EPESUS 1:19

bo moḷoben totok in kawasa-Nea kon i naton inta mopirisaya, notongkai in ropot in kawasa-Nea inta moḷoben

KORINTUS 1 11:24

bo naonda in sinambayangan-Nea in roti tatua poḷat binonsi-bonsig-Nea bo noguman, “Naa in awak-Ku inta posarakan kon i monimu. Aidai in naa sinbá umuran kotoropan monimu in Akuoi.”

KORINTUS 1 5:8

Manangka intua, koḻigai in kita morame takin momaké in roti inta diá koragi, tuata in roti inta pinodoyon kon gina motuḻid bo inta kinopopia in gina i Allah. Dika in kita momaké in ragi inta nokoyongandon, ragi inta diádon nopia bo ain noromú.

LUKAS 22:19

Onda intua ki Yesus in nogamá kon roti. Bo naonda in sinambayangan-Nea mako, binonsi-bonsig-Nea in roti tatua bo inogoi kon i monia poḷat noguman, “Naadon in awak-Ku [inta pinosarakan kon i monimu. Aidai doman in naa, saḷaku tanda kon moiko in umuran monorop kon i-Nakó.”

NEHEMIA 9:10

Pinopoaid-Mu kon datu in Mesir in aid mita inta diá in poḻiuan, bo kon pogawai takin rayat kon butánea, sin kinotaauan-Mu naonda in pinororiga monia kon umat-Mu. Bo ponango-nangoiandon in tangoi-Mu noidapot in singgai naa.

TAWARIKH 1 16:12

Ei buí i Yakub, mogogundoi i Allah! Ei buí i Israel, umat inta piniḻí-Nea! Toropdon in bayongan inta mokoherang inta inaidan-Nea, dika mokoḻiong kon kaputusan-Nea mita.

MATIUS 10:12

Bo aka moiko tumuot kon baḷoi intau, yo singog in nanaa, ‘Igumon mako barakatan i Tuhan in moiko.’

IḶUAIAN 6:6

Moiko in baḻíon-Ku umat-Ku, bo Akuoi in mobaḻí ki Allahmu. Dá kotaauandon monimu kon Akuoi naa in ki Tuhan, Allahmu, inta nopoḷuat kon i monimu nongkon pinononggataan kon Mesir.

IḶUAIAN 7:4

Tuamai Akuoi in mobogoi in hukuman mobogat kon Mesir, onda intua diaan-Kudon bayongan in bangusa Israel, umat-Ku, ḷumuai nongkon butá tatua.

IḶUAIAN 12:17

Kon singgai tatua bayongan in bangusamu diaan-Ku ḷumuai nongkon Mesir. Tuamai modapot kon i adí bo ompumu, muḷoi in taong, singgai tatua musti baḻíon monimu singgai moḷoben.

IḶUAIAN 13:9

Porayaan tanaa nobaḻí tompoingat kon inimu ná tomponuot inta pinopotogot kon ḻima ande kon pogotmu. Porayaan tanaa moponorop kon i monimu sinbá umuran moposingog bo monotaau kon hukum mita i Tuhan, sin ki Tuhan nopoḷuaidon kon i monimu nongkon Mesir takin kawasa-Nea inta moḷoben.

ULANGAN 7:8

Táe ki Tuhan nomiḻí kon i monimu sin motabi in Sia kon i monimu bo mogintompod kon dandi inta pinomia-Nea takin mogoguyangmu. Tuamai in noposaḷamat in Sia kon i monimu takin kawasa inta moḷoben bo nopoḷuat kon i monimu nongkon kawasa i datu in Mesir.

MAZMUR 114:1

Kon tungkuḷ in Israel iḻumuai nongkon Mesir, kon dodai in buí i Yakub nonaḷámai kon butá in intau,

MAZMUR 136:11

Israel in inatod-Nea iḻumuai nongkon Mesir; tabi-Nea in umuran mononoi;

KINOBAḺIAN 15:16

Naonda in opat nopobuían, ki adí bo ki ompumu in mobuidon mangoi kon naa, sin Akuoi in diábí moguntun kon intau in Amori aka mosia diápa totok in moraat dapot in paraḷu hukumon.”

IḶUAIAN 6:7

Moiko in diaan-Ku mayá in butá inta pinodandi-Ku takin nongibot kon i Abraham, kon i Ishak bo kon i Yakub; butá tatua in ogoi-Ku kon inimu mobaḻí kapunyaanmu tontaní. Akuoi naa in ki Tuhan.”

IḶUAIAN 12:2

“Buḷan tanaa nobaḻí buḷan dungkuḷ kon batúan taong.

IḶUAIAN 12:41

Kon singgai imbuit in taong 430 tua, bayongan umat i Tuhan nonaḷámaidon kon butá in Mesir.

IḶUAIAN 34:18

Porameaidon in Singgai Moḷoben Roti Diá in Ragi. Ná inta ain pinarenta-Ku kon inimu, moiko in musti mokaan kon roti diá iragian kon bonu in pitu nosinggai kon buḷan Abib, sin kon bonu in buḷan tatuata moiko in nonaḷámai kon Mesir.

ULANGAN 6:21

Dá musti tubagan monimu nanaa, ‘Koḻipod in kita nobaḻí ata i datu in Mesir, bo ki Tuhan in nopoḷuat kon i naton takin ropot inta moḷoben.

ULANGAN 9:12

Bo ki Tuhan noguman kon inakó, ‘Ḷagidon posiḻig, sin bangusamu inta diniamu iḻumuai nongkon Mesir nomiadon kon inta moraat. Mosia sinumabatdon nongkon parenta-Ku mita, bo nomiadon kon patong sin sumbáan.’

ULANGAN 13:6

Aka utatmu ande adímu ḷoḷaki ande bobay, ande ki buḷoimu inta kinotabimu ande yobayatmu modagin takin umado-adop modondouḷug kon inimu sin mosumba kon ilah mita ibanea inta diá kinotaauan monimu bo diá doman kinotaauan in mogoguyangmu, ilah mita inta nongkon bangusa mita inta nogutun noyodiugan ande noyogiyayúan,

ULANGAN 13:11

Dá bayongan in bangusa Israel mokodongogdon kon pinoḻimodan tatua bo mobaḻídon motoguondok, dá diádon tobatúmai in momia kon inta moraat ná tatua bui.

ULANGAN 16:1

“Rayaaidon in Paska kon buḷan Abib sin mohoromat kon i Tuhan Allahmu, sin kon bonu in buḷan tatua, kon dodai in doḷom, Sia in nopoḷuai kon i monimu nongkon Mesir.

ULANGAN 26:8

Takin kawasa bo ropot inta moḷoben Iko nopoḷuai kon i nami nongkon Mesir. Iko nogaid kon mujizat mita bo inta mokoherang mita poḷat nopomuká in aid mita inta nokodoḻiok kon musung.

HAKIM MITA 6:8

Ki Tuhan nopotabá mangoi kon i monia in nabi tobatú. Nabi tatua noguman, “Nanaa in guman i Tuhan, Allah in Israel: ‘Moiko ain pinoḷuat-Ku nongkon pinononggataan kon Mesir.

NEHEMIA 1:10

Tuhan, kami naa in mogogundoi-Mu mita, umat-Mu tontaní inta pinosaḷamat-Mu pinongin kawasa bo ropot-Mu inta motoyang.

MAZMUR 89:14

Totuu moḷoben in kawasa-Mu, bo totuu motoyang in ropot-Mu!

MAZMUR 136:12

pinongin ḻima inta moropot bo motorindog; tabi-Nea in umuran mononoi.

DANIEL 9:15

Oo Tuhan, Allah nami, Iko in nopoontongdon in kawasa-Mu pinongin nodia kon umat-Mu iḻumuai nongkon Mesir, bo kawasa-Mu tatua in umuranpabí toro-toroponmai. Kami in binaradosadon bo nogaid kon noitaḷá.