IḶUAIAN 13:18 - Alkitab Singog In Mongondow Masa In Tanaa

¹⁸ Tuamai ki Allah in nodia kon i monia nongin daḷan inta noḻibu nongin padang gurun nopobayá in Dagat in Gelagah. Kon dodai in nonaḷámai kon Mesir, intau mita Israel tatua nodia kon abit naonda bo mayá moparang.

IḶUAIAN 13:18 Referans Kwoze

ULANGAN 32:10

Nouḻí-Nea in mosia koyogot modondaḷoi kon tampat inta noingongow kon padang belantara. Bo inoḻiungan-Nea poḷat iḷukadan in mosia bo pinoḷoḷukad-Nea kon i monia in naonda bo Sia in kitogi.

IḶUAIAN 14:2

“Potabádon intau in Israel mobui bo mononḷoḷaigan kon tayowon kotá in Pi-Hahirot, kon sigad in kotá Migdol bo Dagat Gelagah, kon diug in kotá Baal-Zepon.

IḶUAIAN 12:51

Kon singgai tatua ki Tuhan nodia kon bayongan umat Israel iḻumuai nongkon Mesir.

MAZMUR 107:7

Sia in nodia kon i monia nongin daḷan inta notuḻid minayá in pinogutunan kon kotá.

YOSUA 1:14

Komintan ki adí, buḷoi bo bobiagonmu in motaaubí mogutun kon naa, tongá tontaramu mita in musti mosadia moparang bo umuna kon intau mita in Israel ibanea ḷumoḷan kon Ongkag in Yordan.

ULANGAN 17:16

Datu in diábí motaau kokabaḷo mobayong sin pakéon in tontaranea bo diábí motaau mopotabá kon bangusa tanaa in bui mayá in Mesir sin motaḷui kon kabaḷo, sin ki Tuhan ain noguman kon umat-Nea in diábí motaau mayá bui in butá tatua.

YOSUA 4:12

Podudui kon inta pinarenta i Musa, pojuang mita nongkon suku i Ruben, i Gad bo tongosilai in suku Manasye, munadon iḷumoḷan kon ongkag.

YOSUA 4:13

Kobayong monia komintan tua in 40.000 in ḷoḷaki inta kodia-dia in pakakat in parang bo nosadiadon moparang kon tayowon i Tuhan, mosia iḷumoḷan nopobayá ná rata inta noompá kon diug in Yerikho.

MAZMUR 136:16

Dinia-Nea in umat-Nea nongin padang gurun; tabi-Nea in umuran mononoi.

KINOBAḺIAN 50:25

Bo ki Yusup nopoigum kon bayongan adí bo utatnea nongibot, kainia, “Podandidon kon inakó, kon aka ki Allah modiadon kon i monimu mayá in butá tatua, yo poyodiaan domandon monimu in tuḷanku mita.”

IḶUAIAN 14:9

Tontara in Mesir takin in bayongan kabaḷo, kereta bo mododianea nogaḷow kon intau Israel, bo nomatuk kon i monia kon pinonḷoḷaigan monia kon pintad in dagat inta kon diug in Pi-Hahirot.

MAZMUR 68:8

O Allah, kon tungkuḷ in kinapit-Mu in umat-Mu minayá nongin rawang inta noingkag,