IḶUAIAN 13:15 - Alkitab Singog In Mongondow Masa In Tanaa

¹⁵ Kon tungkuḷ in ki datu in Mesir motontogat in gina bo doí mobogoi kon i naton mayá, ki Tuhan noḻimod kon bayongan adí ḷoḷaki inta guya-guyang kon Mesir, pinomayá ki adí intau ande ki adí in biag. Tuamai kita mopokuruban kon i Tuhan in bayongan bobiagon koḷakian inta muna pinogadí, táe tobuton naton in ki adí mita naton inta guya-guyang.’

IḶUAIAN 13:15 Referans Kwoze

IḶUAIAN 12:29

Pongantog in doḷom tua ki Tuhan noḻimod kon bayongan adí mita ḷoḷaki in bangusa Mesir inta guya-guyang, pinangkoi kon i adí i datu, nodapot kon i adí in intau mita inta kon ponjara. Bayongan bobiagon inta muna pinogadí pinoyoḻimod doman.

IḶUAIAN 34:20

táe moiko musti motobut kon ki adí in keledai inta muna pinogadí takin moposumba in ki adí in domba tobatú inta mobaḻí toḻiunea. Aka moiko doí motobut kon tua, yo sigogow in keledai tatua musti putoḷon monimu. Bayongan adí monimu ḷoḷaki guya-guyang musti tobuton monimu. Diá tobatúmai intau motaau mamangoi kon i-Nakó aka sia diá modia kon sosumba.

PINOGIAPAN 3:46

Popisí in kobayong adí guya-guyang ḷoḷaki in intau Israel 273, tua in mobayo-bayong nongkon intau mita in Lewi, dá ḻiunea tatua musti tobuton monimu.

PINOGIAPAN 18:15

Bayongan inta muna pinononggadí kon sigad in intau andeka bobiagon inta pinosumba in intau Israel kon i-Nakó, tua in nobaḻí silaimu. Táe musti tobuton monimu in adímu mita inta guya-guyang, bo adí mita in bobiagon inta haram inta pinogadí muna.

MAZMUR 105:36

Bo iḻimod-Nea in adí mita ḷoḷaki inta guya-guyang kon bayongan in motoḷuadí in intau in Mesir.

IḶUAIAN 3:19

Onda intua ki Allah in noguman bui, “Kinotaauan-Kubí kon ki datu Mesir in doíbí mopomayá mako kon i monimu mayá, koḻikudbí in aka sia pakisaan.

IḶUAIAN 4:23

bo iko ain pinarentaan-Ku sinbá mobogoi kon i adí-Ku tatua mayá sinbá sia in motaaudon mosumba kon i-Nakó, táe diá inogoimu. Tanaa in Akuoi moḻimodon kon i adímu inta guya-guyang.’ ”