IḶUAIAN 12:36 - Alkitab Singog In Mongondow Masa In Tanaa

³⁶ Binaḻídon i Tuhan in intau mita in Mesir mopia in gina kon intau Israel, dá mosia nobogoi kon onu inta pinoigum monia. Pinongin natua intau Israel nodia kon kaoyúonan intau in Mesir iḻumuai nongkon butá tatua.

IḶUAIAN 12:36 Referans Kwoze

OUMAN IN RASUL MITA 7:10

bo pinilatan i Allah in sia kon bayongan roriga bo inogoian in totabi bo pandoi wakutu in minayá kon tayowon i Piraun datu intau in Mesir tua, sahingga in binaḻí i Piraun gubernur kon butá in Mesir bo nongawasa kon bonu in komaḻig i Piraun.

KINOBAḺIAN 15:14

Táe bangusa inta mononggata kon buímu tua in hukumon-Ku bo kon tungkuḷ in buímu monaḷámai kon butá tatua, mosia in modia kon kapunyaan moantó.

MAZMUR 105:37

Onda intua bangusa in Israel inatod-Nea iḻumuai, mosia in nodia kon buḷawan bo saḷaka; komintan nosehat bo noropot.

IḶUAIAN 11:3

Binaḻídon i Tuhan in intau mita in Mesir mopia in gina kon intau Israel. Bo ki Musa nobaḻí intau inta totok in kinobangkaḷ in pogawai mita bo rayat in Mesir.

KINOBAḺIAN 39:21

Táe ki Tuhan notuḷung kon i Yusup bo umuran motabi kon inia, dapot in itoi in ponjara motabi kon inia.

OUMAN IN RASUL MITA 2:47

Mosia in umuran modayow kon i Allah. Kobobiag monia in totuu mokosanang kon gina in bayongan intau. Pomuḷoi in singgai tantú dugangan i Tuhan in kobayong monia, intau mita inta posaḷamaton-Nea.

AMSAL 16:7

Aka iko mokosanang kon gina i Tuhan, musungmu mita in baḻíon-Neabí yobayat.

IḶUAIAN 11:2

Tuamai pongongumandon takin bangusa Israel; potabádon in mosia moigum kon ḷambá mita buḷawan bo saḷaka nongkon topodiugmai monia.”

EZRA 1:6

Bayongan in topodiug monia notuḷung doman kon i monia poḷat nobogoi in pakakat mita, ná pakakat mita saḷaka bo buḷawan, tongkaaḷ kon daḷan, biag pododatogan, kapunyaan ibanea bo sosumba mita inta ogoi kon Baḷoi Tuhan.