IḶUAIAN 12:31 - Alkitab Singog In Mongondow Masa In Tanaa

³¹ Doḷom domandon tatua, ki datu nogoiní kon i Musa bo kon i Harun bo noguman, “Bayádon nongkon naa, moiko komintan! Taḷaaidon in butáku! Bayádon posumba kon i Allahmu ná inta pinoigum monimu.

IḶUAIAN 12:31 Referans Kwoze

IḶUAIAN 6:1

Ki Allah in noguman kon i Musa, kai-Nia, “Akuoi naa in ki Tuhan.

MAZMUR 105:38

Intau in Mesir kinoaputan in ondok bo koningkim, dá nopia in gina monia kon tungkuḷ in intau in Israel minayá.

IḶUAIAN 10:9

Tubag i Musa, “Kami komintan, pinomayá inta nobagupa ande inta noguyangdon. Kami in modia kon adí mita nami, bayongan in sapi, domba, bo bembé nami, sin musti in kami mogaid kon bobutungan moḷoben tobatú sin mohoromat kon i Tuhan.”

IḶUAIAN 8:8

Datu nogoiní kon i Musa bo kon i Harun, bo noguman, “Posambayangdon kon i Tuhan sinbá Sia in monginggamádon kon tumpaḷak mita tanaa, bá ogoikudon in bangusamu mayá sin moposumba in kuruban kon i Tuhan.”

IḶUAIAN 11:8

Kinotontumiannea ki Musa noguman, “Komintan pogawai moḷantud i Tuangku in mamangoibí bo tumungkud kon tayowonku bo mopoigum sinbá akuoi bo bangusaku in monaḷámaidon kon butá tanaa. Mopaḷut mako kon tua akuoi in mayádon.” Bo sinumorú totok in ki Musa bo nonaḷámai kon i datu.

IḶUAIAN 10:29

“Totuu in guman i Tuangku,” kai Musa, “Ki Tuangku in diá bidon mokoontong bui kon inakó.”

IḶUAIAN 8:25

Onda intua ki datu nogoiní kon i Musa bo kon i Harun poḷat noguman, “Bayádon pobogoi in sosumba kuruban kon i Allahmu, táe tongádon kon butá tanaa.”

IḶUAIAN 11:1

Ki Tuhan noguman kon i Musa, “Tobatúpa in bodito in popouma-Ku kon i datu in Mesir bo rayatnea. Mopaḷut mako kon tua ogoineadon in moiko mayá. Nodapot in poguntunonnea in moiko komintan nongkon naa.

IḶUAIAN 12:39

Mosia in notubá kon roti inta diá iragian nongkon touḷut mita inta sinokodia monia nongkon Mesir. Mosia bayá-bayádon pinoguntun nongkon tua, dapot in diádon nokoposadia kon tongkaaḷ.

SAMUEL 1 6:6

Onubí in mangaḻenea in moiko mokopotontogat kon gina ná datu bo intau in Mesir koḻipod? Dika koḻiongan naonda in ki Allah nopoyambá kon i monia, nodapot in mosia notobat bo pinomayádon mako monia in intau Israel nonaḷámai kon Mesir.