IḶUAIAN 12:15 - Alkitab Singog In Mongondow Masa In Tanaa

¹⁵ Ki Tuhan noguman, “Pitu nosinggai in koonggotnea moiko diá motaau mokaan kon roti inta iragian. Kon singgai dungkuḷ bayongan in ragi musti poḷuaion nongkon baḷoimu, sin aka kon bonu in pitu nosinggai tatua intau tobatú mokaan kon roti inta iragian, yo sia in diá bidon motaau poyoiapon tombonu in umat-Ku.

IḶUAIAN 12:15 Referans Kwoze

ULANGAN 16:3

Sosumba Paska tatua musti kaanon takin roti inta diá iragian. Pitu nosinggai in koonggotnea moiko in musti mokaan kon roti inta diá iragian, ná kon dodai in moiko nonaḷámai kon Mesir takin iḻimika-ḻikat. Kaandon in roti tatua, roti inta sinangoian roti in roriga, sinbá kinoouput in kinobiaganmu moiko mokotorop kon singgai moiko nonaḷámai kon Mesir, tampat kinoyoyigaan monimu.

KINOBAḺIAN 17:14

Bayongan in ḷoḷaki inta diá sinoit diá bidon moituot kon anggota in umat-Ku sin sia in diá kinumadai kon dodandian tatua.”

PINOGIAPAN 9:13

Tongá intau inta diá nonajis bo diá doman kon binayáan, táe diá nomia kon pinorayaan Paska, yo intau tatua in diá bidon poyoiapon-Ku umat-Ku, sin sia in diá noposumba in kuruban kon i-Nakó kon wakutu inta ain sinantú. Intau tatua musti mobaba kon bungai in dosanea.

IḶUAIAN 34:18

Porameaidon in Singgai Moḷoben Roti Diá in Ragi. Ná inta ain pinarenta-Ku kon inimu, moiko in musti mokaan kon roti diá iragian kon bonu in pitu nosinggai kon buḷan Abib, sin kon bonu in buḷan tatuata moiko in nonaḷámai kon Mesir.

IḶUAIAN 23:15

Kon bonu in buḷan Abib, podudui in wakutu inta ain sinantú, moiko musti mogaid kon porayaan inta sinangoian Pesta Roti Diá Ragi ná inta ain pinoguman-Ku kon inimu, sin kon buḷan in tatuata moiko nonaḷámai kon Mesir. Donaai mokaan kon roti inta iragian kon bonu in porayaan pitu nosinggai tatua. Kon batúannea in moiko in mamangoi mosumba kon i-Nakó, moiko musti modia kon sosumba.

ULANGAN 16:8

Kon bonu in onom nosinggai moiduduimai moiko musti mokaan kon roti diá iragian. Kon singgai noginpitu moiko musti moyosipun sin mosumba kon i Tuhan Allahmu. Dikabí mogaid kon singgai tatua.”

PINOGIAPAN 28:17

Singgai noiduduimai, singgai impuḷú boḻima, pangkoidon in Porayaan Roti diá in Ragi, bo kon bonu in pitu nosinggai tua moiko in diábí motaau in mokaan kon roti inta iragian.

IḶUAIAN 34:25

Kon tungkuḷ in moiko moposumba in biag iratá, dika moposumba in onuka inta pinomia nomaké in ragi. Biag inta iratá inta pakéon pokuruban kon porayaan Paska musti kodaiton doḷom doman tua; diá motaau in tonggagatan dapot in mobangon monik.

IḶUAIAN 12:8

Doḷom doman tuata tapúnea musti angagon bo kaanon takin kuyat pait bo roti diá iragian.

GALATIA 5:12

Mopiadon totok aka intau mita inta umuran mopotombauk in raian monimu nion, baḷúdon ḷumuai nongkon jamaat!

OUMAN IN RASUL MITA 12:3

Naonda in kinotaauannea kon oaidnea tatua mokosanang kon gina in bayongan intau Yahudi, dá umurannea bo inaidan in onu inta diá mopia tatua; sia in nokidomok domandon kon i Petrus sin bonuon kon ponjara. Wakutu intua Singgai Poramean in Roti Diá Koragi.

LUKAS 12:1

Kon dodai intua ribuan intau in nosipun, dapot in moyopuntukdon kon sioḷ. Koyogotpa moyosipun in intau mita tatua, ki Yesus in noguman kon murí-Nea mita, “Mokopopia in moiko kon ragi intau in Parisi, makusudnea in oaid intau in Parisi inta mongomunapik.

MATIUS 16:12

Bain tua bo kinomangaḻean monia kon deemanbí makusud-Nea sinbá mokopoingat kon ragi in roti, táe mokopoingatbí kon onu inta sinundú in intau in Parisi bo Saduki.

MALEAKHI 2:12

Igumon mako intau mita inta nogaid kon natua in poyayúondon i Tuhan nongkon umat in Israel. Igumon mako mosia in diádon dumudui kon bangusa naton moposumba in kuruban mita kon i Tuhan Inta Totok in mokawasa.

ULANGAN 16:5

Bobiagon inta pakéon kon Singgai Moḷoben Paska musti ratáan kon tampat inta ain piniḻí i Tuhan Allahmu, bo diábí motaau in kon tampat ibanea kon bayongan butá inta inogoi-Nea kon inimu. Tua in mustibí aidan monimu kon dodai in mata in singgai tumoyop, ná kon tungkuḷ in moiko nonaḷámai kon butá in Mesir.

IMAMAT 17:14

Nyawa in bayongan mahaḷuk in kon dugúneabí, tuamai in diá ogoi i Tuhan in bangusa Israel mokaan kon dugú. Bayongan intau inta mogaid kon onu inta ilarang tatua yo sia in diádon poyoiapon anggota in umat i Allah.

IMAMAT 17:10

Aka intau Israel ande intau ango-angoi inta nogutundon notantú kon sigad intau Israel nokaan kon dugú, yo sia hukumon i Tuhan bo diádon poyoiapon anggota in umat i Allah.

IḶUAIAN 31:14

Singgai pogogaian tatua musti horomaton monimu mobaḻí singgai inta motusi. Moiko inogoian-Kudon in onom nosinggai sin pogaidan monimu, táe singgai noginpitu in singgai moḷoben inta nobaḻí singgai-Ku. Ki ine in diá mohoromat kon singgai tatua, táe umuran doman mogaid in kon singgai tatua yo musti hukumon matoi.

LUKAS 2:43

Naonda in nopaḷutdon pinorayaan tatua, mosia nobuidon, táe ki Yesus in kon Yerusalempabí bo diá kinotaauan i iná bo i amá-Nea.

IḶUAIAN 30:33

Intau inta momia kon ḷana ná tatua, ande pakéon kon intau inta deeman imang, yo sia tua in diá bidon poyoiapon umat-Ku.”

TAWARIKH 2 30:21

Pitu nosinggai in koonggotnea, takin noḷunganga totok in gina intau mita tatua in noyosipun kon Yerusalem tatua nogaid kon pinoramean kon Roti Diá Iragian. Pomuḷoi in singgai intau mita in Lewi bo imang mita modayow kon i Tuhan takin ḻimbatú in gina.

EZRA 6:22

Pitu nosinggai in koonggotnea in mosia takin sanang in gina norame kon Singgai moḷoben in Roti diá Iragian. Mosanang totok in gina monia sin ki Tuhan ain nopobaḻí kon i datu in Asyur mopia in gina kon i monia dá notuḷungdon kon i monia kon oaidan noposindog bui in Baḷoi Tuhan, Allah in Israel.

IḶUAIAN 13:3

Ki Musa noguman kon bangusa Israel, “Kon singgai naa ki Tuhan nopoḷuatdon kon i monimu takin kawasa-Nea inta moḷoben, nodapot in moiko nokoḷuaidon nongkon Mesir, tampat pinononggataan kon i monimu. Tuamai, tanobdon in singgai tanaa. Donaaidon mokaan kon roti inta iragian.

IḶUAIAN 30:38

Ki ine in momia kon mobondu mita natua, diádon poyoiapon umat-Ku.”