IḶUAIAN 11:8 - Alkitab Singog In Mongondow Masa In Tanaa

⁸ Kinotontumiannea ki Musa noguman, “Komintan pogawai moḷantud i Tuangku in mamangoibí bo tumungkud kon tayowonku bo mopoigum sinbá akuoi bo bangusaku in monaḷámaidon kon butá tanaa. Mopaḷut mako kon tua akuoi in mayádon.” Bo sinumorú totok in ki Musa bo nonaḷámai kon i datu.

IḶUAIAN 11:8 Referans Kwoze

DANIEL 3:19

Dá sinumagabdon in torú i Datu Nebukadnezar kon i Sadrakh, Mesakh bo kon i Abednego, dá inumuradon totok in pogotnea. Sia in nomarenta sinbá tuḷú dugangan kopitu in kopatúnea nongkon inta biasamai.

YEHEZKIEL 3:14

Kawasa i Tuhan in namangoi kon inakó motoyang totok, bo naonda in akuoi biningkat bo dinia in Roho-Nea, ginaku in koraasaan mopait bo mopatú.

WAHYU 3:9

Toropdon in naa: Intau mita inta ain nobaḻí umat in Ibilis tua, in intaubí mita mongouboḷ inta mongaku intau mita in Yahudi bokaka deemanbí. Mosia tua in aidan-Kubí sahingga in mosia mamangoi tumungkud kon tayowonmu. Bo kotaauandon monia kon kotabi-Kubí in moiko.

MARKUS 3:5

Korogi-rogi in ki Yesus nobobui magí-mako kon intau mita inta kon tua, táe moajar doman totok in gina-Nea sin totuu motogat in gina monia tua. Onda intua Sia in noguman kon intau inta noḻempeng in ḻima tatua, “Sintakdon in ḻimamu.” Dá sinintak doman in intau tatua in ḻimanea, bo baḷú domandon nopia in ḻimanea tatua.

YESAYA 49:26

Baḻíon-Kubí in musungmu moḷoḷangu in dugú, dá mosia in mosiḻimodandon. Dá bayongan in intau in monotaaudon, kon Akuoi, ki Tuhan, Mopoposaḷamatmu; Inta Totok in moropot, ki Allah i Yakub, in Mototobutmu.”

YESAYA 49:23

Datu mita in naondadon bo ki amámu, bo bokí mita in nobaḻí ki inámu. Mosia in tumungkudbí mohoromat kon inimu bo tumonsiup kon inimu. Dá kotaauanmudon kon Akuoi in ki Tuhan; intau inta inumandoḷ kon i-Nakó in diábí pokuyangon in gina.”

MAZMUR 6:1

Kon i itoi in mododondong. Takin ito-itog kecapi. Podudui kon dondong in waḷunea. Mazmur i Daud.

DATU MITA 2 3:9

Dá nobuatdon in ki Datu Yoram noyotakin i datu in Yohuda bo i datu in Edom. Naonda in pitudon nosinggai in binayáan, kinodaitan in tubig in mosia, dá tontara monia bo bobiagon mogogakut kon pakakat monia in kinodaitandon in inumon.

DATU MITA IMITÁNEA 20:10

“Ki datu nami in mopotabádon mangoi in tontara inta mobayong totok sin morimumud kon kotámu, modapot in ḷobud kinogoguyaatan in kotámu tatua koakutan monia modait tongábí momaké in ḻima monia. Sia in nongibot sinbá dewa mita mohukum, nodapot doman in moḻimod kon inia, aka diá in sia momia kon tua!”

HAKIM MITA 8:5

Onda intua mosia nodapotdon in Sukot. Kon tua ki Gideon in noguman kon intau inta nogutun kon kotá tatua, “Tuḷungaipa ogoiai in kaanon topiḻikmai in intauku mita tanaa. Mosia in moḷopídon totok tongá kami in mustipa mogaḷow kon i Zebah bo kon i Salmuna, datu mita in Midian tua.”

HAKIM MITA 4:10

Bo ki Barak in nonongganutdon kon suku in Zebulon bo Naptali minayá ná Kedes. Tontara inta dinumudui kon i Barak bo kon i Debora kon dodai intua in 10.000 in intau.

ULANGAN 32:24

Mosia in matoibí popisí in morintonow bo gogoyon, bo popisí doman in takit inta mokoondok. Pomayá-Kudon mako in mosia domokon in mahaḷuk moraat, bo tobakon in uḷag mobisa.

ULANGAN 29:24

Dá bayongan intau kon dunia in moḻibó, ‘Nongonu sin ki Tuhan nomiabí kon natua kon butá monia? Nongonu sin Sia in totokbí in sinumorú natua?’

PINOGIAPAN 12:3

Ki Musa naa in intau inta moompá totok in dodia, noiḻiu kon bayongan intau inta nobiag kon dunia naa.

IBRANI 11:27

Popisí in mopirisaya doman, dá ki Musa in nonaḷámaidon kon Mesir diábí in ondoknea kon torú i datu. Sia in umuran nogaḷow kon tujuannea naonda bo inontongneadon in ki Allah inta diá koontongan tua.

IḶUAIAN 10:29

“Totuu in guman i Tuangku,” kai Musa, “Ki Tuangku in diá bidon mokoontong bui kon inakó.”

NEHEMIA 5:6

Nokodongogmai kon amui monia tatua, sinumorú totok in akuoi