IḶUAIAN 10:26 - Alkitab Singog In Mongondow Masa In Tanaa

²⁶ Bayongan bobiagon nami mustibí diaan nami; tobatúmai diábí in motaau taḷaan nami. Nongkon bobiagon tatua piḻíon nami mongo onda in posumba kon i Tuhan ki Allah nami. Bain kon tua bo kotaauan nami mongo bobiagon táonda in posumba nami.”

IḶUAIAN 10:26 Referans Kwoze

IBRANI 11:8

Popisí in mopirisaya, dá ki Abraham in dinumudui kon i Allah wakutu inoiní i Allah bo pinotabá minayá in butá inta pinodandi i Allah ogoi kon inia. Ki Abraham in minayábí doman umpaka diápa kinotaauannea mongo kon onda in bayáan.

KORINTUS 2 8:5

Bo mosia ain nobogoi kon noiḻiu totok kon onu inta sinakuser nami. Muna-munamai mosia in noposarakan in awak monia kon i Allah, onda intua kon i nami, podudui kon inta kinoibog i Allah.

ZAKHARIA 14:20

Kon singgai tatua lonceng mita kon ḷambung in kabaḷo in kurigondon in tosingogon mita “Sinondídon kon i Tuhan” Pansi mita kon Baḷoi i Tuhan in horomaton naonda bo palo mita in sosumba kon tayowon in mezbah.

HOSEA 5:6

Mosia in minayá notayak kon i Tuhan kodia-dia in domba bo sapi sin pokuruban, táe tua komintan in diábí in mangaḻenea. Sin ki Tuhan in nonaḷámaidon kon i monia, bo diábí mouḻí monia in Sia.

YESAYA 23:18

Kauntungan bo boḻi in pinogaidan inta nouḻínea in diábí tagúonnea, táe posumbaneabí kon i Tuhan. Intau mita inta nosumba kon i Tuhan in mopomakébí in doit tatua sin potaḷui kon kaanon bo pakéon kon inta paraḷu monia.

AMSAL 3:9

Horomat in ki Tuhan pongin moposumba kon i-Nia in inta mopia totok nongkon bayongan kapunyaanmu bo nongkon bungai in pinomuḷamu,

IḶUAIAN 12:32

Diadon in bayongan sapi, domba, bo bembému, bo bayádon! Poigumai domandon kon barakat in akuoi!”

IḶUAIAN 10:9

Tubag i Musa, “Kami komintan, pinomayá inta nobagupa ande inta noguyangdon. Kami in modia kon adí mita nami, bayongan in sapi, domba, bo bembé nami, sin musti in kami mogaid kon bobutungan moḷoben tobatú sin mohoromat kon i Tuhan.”

IḶUAIAN 10:25

Ki Musa in notubag, “Aka natua ki Tuangku mustibí mobogoi in bobiagon kon inami sin posumba mobaḻí kuruban tubáan kon i Tuhan, ki Allah nami.

IḶUAIAN 8:27

Kami in mustibí mayá in padang gurun inta toḷu nosinggai kon bayáan in koyayúnea sin mayá moposumba in kuruban kon i Tuhan Allah nami, ná inta ain pinarenta-Nea kon inami.”