IḶUAIAN 1:14 - Alkitab Singog In Mongondow Masa In Tanaa

¹⁴ bo kobobiag intau Israel pinosagedon totok monia. Mosia in pinakisa totok mogaid kon oaidan mita moposindog in bangunan bo mogaid doman kon gobá mita takin diádon in totabi monia.

IḶUAIAN 1:14 Referans Kwoze

OUMAN IN RASUL MITA 7:19

Datu nobagu tatua totok in moporupa-rupamai kon intau naton bo totok doman in momogutú kon mogoguyang naton. Sia in nokiḷumbú in adí mita mointok monia sinbá matoi.

PINOGIAPAN 20:15

Mogoguyang nami minayá in Mesir bo nogutun notantú kon tua kon taongannea. Mogoguyang nami bo kami doman pinomiadon ibo-ibog in bangusa Mesir,

IḶUAIAN 6:9

Onda intua ki Tuhan noguman kon i Musa,

IḶUAIAN 2:23

Noonggot mako kon tua ki datu in Mesir minatoidon. Táe bangusa Israel umuranpa doman mogamui popisí in mosia umuranpa doman sinonggata, nodapot in mosia nomaḷú mokituḷung. Amui monia tatua dinongogdon i Allah.

OUMAN IN RASUL MITA 7:34

Inontong-Kudon bo umuran-Kudon sinaridimai in roriga in umat-Ku kon Mesir. Dinongog-Kudon in amui monia, dá moponag in Akuoi bo mopoḷuat kon i monia. Tanaa, koḻigai! Potabá-Kudon bui in iko mayá in Mesir.’

YESAYA 58:6

Naabí in puasa inta kinoibog-Ku: Ḷuatdon in aid mopororiga bo bobabaan inta diá moadil, bo poḷuatdon in intau mita inta dinorot.

MAZMUR 81:6

Binaḻí-Nea tobatú tompoingat kon bangusa in Israel, kon dodai in Sia noḷawang kon Mesir. Akuoi in nokodongog kon tosingogon inta diá kinotaauanku,

NAHUM 3:14

Ponangkobdon kon tubig mobaḻí tongkaaḷmu kon dodai in iko kopungon, bo irigonaidon in bentengmu mita! Ritakaidon in yoná sin aidan tela, bo sadiadon in dodoyonannea!

MIKHA 3:3

Kinaan monimu in bangusaku. Kuḻitnea in binera-berak monimu bo tuḷannea mita in irimumud monimu. Pinongko-pongkó monimu in mosia naonda bo nomongkó kon tapú inta bonuon kon kuyon.

YESAYA 52:5

Tanaa onu in urusan-Ku kon naa? Intau in Babel nodakop kon i monimu natua mako. Mosia inta nondorot kon i monimu dinumodia bo tantú mopoompámai kon i-Nakó.

YESAYA 51:23

Roriga tatua in ogoi-Ku kon inta nondorot kon inimu, inta nokoimontandon in nokiposiug kon i monimu kon butá, bo inta noritak kon i monimu, ná momia bo moiko nion in daḷan inta bayáan in intau.”

YESAYA 14:6

inta pinongin torú nondorot kon bangusa mita bo umuran momongkug kon i monia.

MAZMUR 68:13

“Datu mita takin tontaranea in noḷaguidon!” Mosia in noḷagui naonda bo paḷoma inta iḷumayugdon minayá. Bobay mita kon baḷoi in mosila-silaidon mako kon saḷaka bo buḷawan inta sinaḷáan. Umpaka nobayong in diá dinumudui noparang, umat i Allah in pinountungdon.

RUT 1:20

“Dika oiníon ki Naomi in akuoi,” guman i Naomi, “Oinídon in akuoi ki Mara, sin ki Allah Inta Totok in Mokawasa ain nopomayá mako kon inakó nobiag nopuḻing in paitnea.

ULANGAN 26:6

Intau in Mesir nopoaid kon inami in inta moraat totok bo momakisa kon inami mogaid nobaḻí ata.

ULANGAN 4:20

Táe moiko in bangusa inta pinosaḷamat-Nea nongkon Mesir, tampat inta kinororigaan totok monimu. Moiko in dinia-Nea iḻumuai nongkon butá tatua, sinbá mobaḻí bangusa-Nea tontaní ná kaadaanmu tanaa mako.

IMAMAT 25:53

nádon onda bo ain nogaid in sia mobaḻí intau tototondanan inta sinondanan pomuḷoi in taong. Ki tuangnea in diábí motaau mopomia ibo-ibog kon inia.

IMAMAT 25:46

bo motaaubí doman popoabat kon i adí mita monimu sin baḻíon monia ata kon bonu in mosia mobiagpa. Táe aka tumpaḷa intau Israel diábí motaau in pomiaan monimu ibo-ibog.

IMAMAT 25:43

Dá intau Israel inta nopotaḷui in awaknea kon inimu diábí motaau pomiaanmu ibo-ibog. Kotoguondokbí in moiko kon i Allahmu.

IḶUAIAN 20:2

“Akuoi naa in ki Tuhan Allahmu inta nopoḷuai kon i monimu nongkon Mesir tampat inta pinononggataan kon i monimu.

IḶUAIAN 1:13

Bo totokdon moraat in pogogaid monia kon intau in Israel,

KINOBAḺIAN 15:13

Ki Tuhan noguman kon inia, “Pokotorop, buímu in mobaḻí intau ango-angoi kon butá intau; mosia in mobaḻí ata kon tua bo tonggataan kon bonu in opat nogatut notaong in koonggotnea.

IḶUAIAN 1:11

Dá intau mita in Mesir nomiḻídon kon intau mita nobaḻí toimata kon intau mita Israel sin moposaged kon kobobiag monia takin momakisa totok kon i monia mogaid. Mosia in pinakisa moposindog kon i datu in kotá mita Pitom bo Raamses sin baḻíon tampat potagúan kon barang mita.

IḶUAIAN 1:15

Noiduduimai kon tua datu in Mesir nomarenta kon i Sipra bo kon i Pua, mototuḷung kon ponononggadían inta motuḷung kon bobay mita Ibrani kon dodai in mosia mononggadí.

DATU MITA IMITÁNEA 12:14

Podudui in tonggina in intau mita inta nongobagupa, sia in noguman, “Ki amáku nobogoi in oaidan inta mobogat, táe dugangankubí in kobogat in oaidan tatua. Sia in noposambok kon i monimu in sambok, táe akuoi in moposambokbí kon i monimu in sambok inta sinondugian in uatoi!”

AMSAL 28:15

Intau moraat inta mongawasa kon intau inta kinodaitan, naonda bo singa inta moganggor andeka beruang inta mondudur.

MAZMUR 129:1

Dondong mayá in Baḷoi Tuhan. Israel, pogumandon mongo naonda in pinomomogutú in musung kon inimu pinangkoi kon iko nobagupa.

YESAYA 10:24

Ki Tuhan Inta Totok in mokawasa noguman kon umat-Nea inta nogutun kon Sion, “Dika moondok kon intau in Asyur, umpaka mosia mondorot bo mopogutú kon i monimu ná inta pinomia in intau in Mesir koḻipod.